DILI– Movimentu Amante Futeból Timor-Leste, José Luís Oliveira, deskonfia prezidenti liga futeból Timor-Leste (LFTL), Nilton Telmo Gusmao Santos, rejigna aan hosi nia kargu Prezidenti LFTL tanba Federasaun Futeból Timor-Leste (FFTL), no Sekretariu Estadu Joventude no Desportu (SEJD) Blokeia Atividade Liga Timorense epoka 2022-2023.
Bazeia ba kalendariu ne’ebé mak Orgaun Liga Futeból Timor-Leste, aprezenta tuir loloos atu Realiza Liga Timorense epoka 2022-2023 iha fulan Abríl liu ba maibé FFTL Blokeia tia hodi hatete katak Liga labele la’o iha fulan Abríl Liga so bele la’o iha fulan agusto bazeia ba regulamentu hosi FIFA.
Ho núne’e LFTL ho FFTL konkorda malu hodi organiza atividade Liga iha loron 18 fulan Agostu tinan ne’e maibé realidade to’o ona fulan Setembru atividade Liga Timorense epoka 2022-2023 nafatin la la’o, ho núne’e Amantes deskonfia prezidenti LFTL Nilton Gusmao rejigna aan tanba atividade Liga Timorense epoka 2022-2023 FFTL ho SEJD Blokeia tiha.
“Nilton resigna tanba FFTL ho SEJD Mak blokeia hodi Liga Futeból la lao. Iha inisiu Presidente FFTL rejeita planu jogu Liga Futebol 2022 nebe atu hahu Marsu ka Abril, ho razaun katak tenki ajusta ho kalendariu FIFA nebe hahu Agostu, afinal ne’e buat bosok deit, tanba hanesan FFTL no SEJD konkorda malu atu hamate jogu Liga, tanba osan uza tiha ona ba buat seluk” informa José Luís Oliveira ba JHD via watcaap kuarta , (21/09).
Tuir Estatuta, se Presidente LFTL resigna, maka Vice Presidente Mak substitui to’o eleje fali Presidente foun. Nune’e lalika hein troka Nilton Gusmao Mak depois jogu liga bele halao. Liga bele komesa deit, se sira iha vontade atu dezenvolve futebol.
Entretantu Prezidenti LFTL Nilton Gusmao submete Karta renjignasaun ba asembleia jerál LFTL iha loron 15 fulan Setembru tinan ne’e.
Aleinde ne’e mós fó rekonsementu ba Sekretariu Estadu Joventude no Desportu (SEJD) Abrao Saldanha no mós Federsaun Futeból Timor-Leste (FFTL) Fransisco Jerónimo.
Enteretantu Nilton Gusmao rasik hahú lídera LFTL desde tinan 2015 wainhira LFTL sei naran Liga Futeból Amadora (LFA) no iha tinan 2020 liu husi kongresu dahuluk LFA tranforma ba Liga Futeból Timor-Leste (LFTL).
No iha kongresu ne’e Nilton Gusmão re-eleitu nu’udár prezidente LFA ne’ebé transforma bá LFTL iha loron 15 fulan-Agostu 2020 bá períodu 2020-2023 ho votu afavór 32, kontra zero (0) no abstensaun mós zero (0).
CharllY Junior
