Dili — Klubu Kampeaun Pra Liga Futsal Timor Leste Ramelau Fc, mantein hatudu nia superioridade hafoin halakon Mushila Fc ho score 2-0 iha final Taca AFAMA no femenina F-FDTL 2022.
Jogu final Taca Asosiasaun Ami Familia Militar Asuwain (AFAMA) no femenina Falintil Forsa Defeza Timor Leste (F-FDTL) ne’e hala’o iha kampu futsal F-FDTL fatuhada Dili sabadu (05/11).
Iha inisiu jogu Primera parte ekipa rua hala’o jogu kontra atake ba malu no kuidadu hodi mantein linha defeza ne’ebe solidu hodi la fo fatin malu hodi produs gulu.
Maibe tama ba iha minutu 13 Ramelau Fc susesu lidera uluk ho score 1-0, hafoin jogador Romulo Escurial fura rede Mushila Fc.
Ho score ne’e halo jogu sa’i manas liu tan ba ekipa rua hodi lansa kontra atake ba malu maibe to’o termina jogu Primera parte score mantein 1-0.
Kontinua ba Jogu segunda parte Ekipa mantein lansa kontra atake ba malu hodi produs golu
No Tama ba iha minutu 36 Ramelau Fc haboot liu tan score ba 2-0, hafoin Joel produs golu ida hodi hamorin nian naran.
Score 2-0 halo jogu sa’i manas liu maibe la iha Tan golu ruma mak akontese too termina jogu segunda parte Vitoria ba Ramelau Fc.
Ho rezultadu Vitoria ne’e lori ekipa Ramelau Fc sa’i kampeaun ba Taca AFAMA no femenina F-FDTL 2022 no iha diretu hodi hetan premiu 2.000 USD.
Enkuantu ekipa Mushila Fc obrigadu tenke okupa iha segundu lugar no iha diretu hodi hetan premiu 1.500 USD.
Terseru lugar mak Caesar Dante Fc no kuartu lugar mak Gamer Fc, Enkuantu melor markador monu ba jogador Nildo Torres ho golu 12 no Mellor Jogador monu ba jogador Joao Paulo ho votus 1690
CharllY Junior
