Dili– Xefe Estadu Maior F-FDTL, Tanente Jeneral, Falur Rate Laek, Informa, Tinan oin F-FDTL sei hadia kampu futsal Fatuhada Dili.
Xefe Estadu Maior F-FDTL Tanente Jeneral Falur Rate Laek hato’o lia hirak ne’e liu hosi Nia diskursu hafoin ensera Torneo Taca AFAMA no femenina F-FDTL 2022 iha kampu futsal F-FDTL fatuhada Dili sabadu (05/11).
Nia dehan, sira iha ona planu atu hadia kampu refere maibe laos iha tinan ne’e nia laran maibe iha tinan oin 2023.
“Ami mos hanaoin ona iha ne’e atu hadia Ita nia fatin ida ne’e mais agora ne’e seidauk tinan oin ne’e Ita hadia ona halo diak liu tan” dehan Tanente Jeneral Falur Rate Laek.
Entertantu Torneo Taca AFAMA no femenina F-FDTL 2022 ne’e partisipa hosi klubu hamutuk 45 kompostu hosi Klubu Mane 32 no femenina 13.
Kampeaun ba Taca AFAMA no femenina F-FDTL 2022 mane mak Ramelau Fc hafoin halakon Mushila Fc iha final ho score 2-0
Enkuantu hosi ekipa femenina Buset Fc mak sa’i kampeaun ba hafoin halakon Maudoko Fc ho score 2-1 iha final
Ekipa kobertura JHD