DILI– Prezidente Federasaun Futebol Timor Leste (FFTL) Francisco Jeronimo, informa, ba asosiasaun Futebol Munispiu sira atu labele kahur Futebol ho politika.
Prezidente FFTL Francisco Jeronimo, deklara asuntu ne’e, relasiona ho asosiasaun Futebol munispiu (AFM) 11 ne’ebe ezizi ba nia atu rezigna aan hosi nia kargu prezidente FFTL.
“Bola ne’e laos politik ita labele politiza bebeik sasan sira ne’e, kuandu ita hakarak politiza sasan sira ne’e mak sasan sira ne’e sei sa’i la diak hotu bola ne’e bola” deklara prezidente FFTL Francisco Jeronimo ba jornalista iha Salaun Delta Nova, kinta (10/11).
Nia afirma, ema hotu tenke resposabiliza ba atividade ne’e laos prezidente mak impede prezidente la impede ida prezidente hakarak buat sira ne’e lao ba oin.
“Ita labele duun malu hau dehan bebeik ona iha publik katak labele dun malu tanba ita dun malu ne’e la rezolve problema ida” nia tenik.
“Buat ne’ebe mak ha’u la komprende ne’e mak ne’e ita asosia buat ne’e hotu dehan katak prezidente mak responsabiliza hotu ne’e sala”
Nia hatete, agora husu dehan kongresu extra oridinariu ajenda klaru ne’e saida atu troka prezidente iha fali artigu balu koalia iha neeba tenke ba haree laos ida ne’e deit dalan mak ida ne’e
“Ha’u asosiasaun sira ne’ebe mak mai mos iha estatutu hatete hanesan ne’e se maka iha direitu ka se maka bele asina dikumentus se mak bele asina se vise prezidente mak asina dokumentus ruma nia hetan delegasaun poder hosi se, sekretariu jeral ne’e administrasun deit laos husu fli neeba” nia Informa.
Nia dehan, la iha dalan atu rezigna aan tanba seidauk iha kongresu laos ba husu malu hanesan ne’e.
Asosiasaun 11 ne’ebe foin lalais kontra fila fali Francisco Jeronimo ne’e mak hanesan, Assosiasaun Futebol Lautem, Ass. Futebol Manatutu, Ass. Futebol Aileu, Ass. Futebol Ainaru, Ass. Futebol Manufahi, Ass. Futebol Dili Leste, Ass. Futebol Dili Oeste, Ass. Futebol Viqueque, Ass. Arbitrazen, no mos Klubu Kampiuan primeira divizaun no klubu segunda divizaun ne’ebe mak iha diretu ba votu iha kongresu FFTL.
Entertantu Francisco Jeronimo re-eleitu ba kargu nudár prezidente ezekutivu FFTL ho votu 11 no nia adversariu Nilton Gusmão hetan votu 10 liuhusi votasaun iha segunda ronde Kongresu FFTL ba da-hitu iha Otél Novo Turismo, Dili, Sábadu (26/02/2022).
CharllY Junior
