Dili– Sekretariu jeral Asosiasaun futsal Timor Leste (AFTL), Fernando Baptista, Informa, dadaun ne’e iha ona klubu rua mak rejistu atu partisipa iha Liga futsal epoka 2022-2023.
Fernando hatete, tuir konkordansia ne’ebe mak AFTL halo ho klubu sira ne’e tuir lolos remata iha semana kotuk maibe tanba klubu barak mak balu sei husu atu estende tan tanba ne’e AFTL fo tan semana ida ba klubu sira atu rejistu to’o loron 14 fulan ne’e.
“foin klubu 2 mak rejistu tanba klubu sira seluk partisipa hela iha Taca AFAMA tanba ne’e ita fo toleransia jogu hotu mak sira mai rejistu” Informa Fernando Baptista ba jornalista iha kampu futsal BJ Habibie Bidau Santana (08/11).
Nia haktuir, antes ne’e AFTL koalia ona ho Federasaun disponivel ona para AFTL atu organiza liga ne’e tanba osan iha ona.
“iha ona lampu hijau hosi FFTL ita atu hala’o tanba ne’e mak Ita hein hela klubu sira wainhira klubu sira rezistu ona ita bele komesa fali ho kompetisaun ida ne’e” tenik nia
Enkuantu Kampu ne’ebe mak AFTL sei utiliza hodi organiza Liga Futsal mak kampu F-FDTL fatuhada.
Entertantu Total klubu hamutuk 24 kompostu hosi Primera divizaun 10 no segunda divizaun hamutuk 14
Klubu Primera divizaun mak, Ramelau Fc, Mushila Fc, Mauputar Fc, Caesar Dante Fc, Boa Sorte Fc, Because United Fc, Sao Francisco Xavier, AD Samoro, Gamer Fc, Jarman Fc.
Klubu segunda divizaun mak hanesan, Fc Coelho, Santa Cruz Fc, Maudoko Fc, Boavista Fc, Bermeta Fc, VDL Lahane, Kuda Ulun Fc, Estrela Baguia, Fitun Estudiante, Crazy hose, Baucau All Star, B’tal Fc, Kablaki Fc, Academica Fc.
Klubu rua ne’ebe mak daudaun ne’e rejistu ona iha AFTL atu partisipa iha Liga mak Crazy hose no Kablaki Fc.
CharllY Junior
