DILI–Prezidente Federasaun Futebol Timor Leste (FFTL) Francisco Martins da Costa Pereira Jeronimo, eleitu nuudar vise prezidente Asean Futebol Federasaun (AFF sigla ingles) ba periodu 2022-2026.
Prezidente FFTL Francisco Jeronimo eleitu nuudar vise prezidente AFF liu hosi kongresu oridinariu iha Siem Reap Kambodia segunda (14/11).
Sekretariu estadu joventude no despotu (SEJD) Abrao Saldanha kongratula ba prezidente Federasaun Futebol Timor Leste (FFTL) Francisco Jeronimo ne’ebe mak eleitu nuudar vise prezidente AFF ba periodu 2022-2026.
“Parabens ba prezidente Federasaun ne’e hanesan oportunidade diak ida ba Timor sira, iha Timoroan ida ne’ebe hola parte iha estrutura AFF ninian ne’e diak liu tan ita atu halo inkeixamentu ho sistema regional ka internasional ninian” dehan SEJD Abrao Saldanha ba jornalista iha SEJD segunda (14/11).
Abrao afirma, ho eleitu hosi prezidente FFTL Francisco Jeronimo ne’e hatudu katak hosi Rai sira seluk hahu tau fiar ona ba dezenvolimentu futebol iha Timor liu liu ba FFTL.
“Atu bele lori dezenvolimentu futebol iha Ita nia Rai ne’e hatudu katak iha fiar hosi Rai Sira seluk ba ita Nia Rai liu liu ba Federasaun Futebol” tenik Nia
“parabens ba prezidente Federasaun Ita katak knaar ne’ebe iha bele dezepenha diak liu tan no bele lori perfeitu ruma mai Timor Leste liu liu ba sira ne’ebe hadomi Futebol” nia hakotu .
Entertantu, ba pozisaun prezidente AFF Khiev Sameth re-eleitu hodi kontinua lidera AFF periodu 2022-2026.
Charlly Junior
