DILI– Governu liu hosi Sekretariu Estadu Joventude no Despotu (SEJD) aprova ona proposta hosi Federasaun Futebol Timor Leste (FFTL) no orgaun implementador Liga Futebol Timor Leste (LFTL) hodi realiza Liga Timorense epoka 2022-2023.
Lia hirak ne’e hato’o hosi Sekretariu Estadu Joventude no Despotu (SEJD) Abrao Nokosiku Saldanha, ba jornalista Sira iha edifisiu SEJD leciderw Dili, (14/11).
Abrao informa, iha proposta ne’ebe sira hakerek mai govenu ne’e atu realiza iha hahu hosi Dezembru to’o marsu
“Ami aprova tiha ona agora sistema finanseiru ne’e halo ona komiten atu asina ona semana oin hanesan ne’e tama ona sira nia konta bankaria” dehan Abrao.
“Ita hein haree to’o duni realiza ka lae iha surtahan leten ne’ebe sira aprezenta Kalendariu hahu hosi Dezembru to’o marsu” nia hakotu.
Entertantu antes ne’e FFTL no LFTL iha ona konkordansia hodi organiza Liga Futebol iha fulan Agostu liu ba maibe infelizmente to’o agora seidauk realiza.
CharllY Junior
