DILI– Janela tranfernsia ba Primera no segunda divizaun Liga futsal Timor Leste epoka 2022-2023 termina ona maibe Asosiasaun futsal Timor Leste (AFTL) foin simu deit klubu 4 mak rejistu nia jogador.
Asosiasaun futsal Timor Leste loke janela tranfernsia iha loron 26 fulan Outubru liu ba no termina ona iha loron 14 fulan Novembru ne’e maibe AFTL foin mak simu deit klubu 4 klubu 3 hosi sugundu divizaun, klubu tolu ne’e mak hanesan Crazy Hose, Kablaki Fc, no Saralima Fc, no klubu Ida hosi Primera divizaun mak Ramelau Fc.
Asosiasaun futsal Timor Leste (AFTL) preparadu ona atu organiza Liga Futsal ba Primera divizaun no segunda divizaun
“Ita planeia atu hahu iha novembru nia laran mas infelizmente klube maioria mak seidauk mai rejistu taun ita tenki hein to’o rejistu hotu mak ita bele koalia fali bainhira los mak atu realiza?” dehan Sekretariu jeral Asosiasaun futsal Timor Leste (AFTL) Fernando Baptista ba JHD via WhatsApp Segunda (14/11).
“Data janela transferência taka ohin henesan Ita hatun ona iha page AFTL karik ita hein to’o orsida lokraik mak klube sira seidauk mai rejistu nafatin AFTL sei konvoka fali reuniaun ho klube sira atu deskobre kestaun refere tanba janela transferência ne ita loke bajeia ba konkordansia entre klube sira ho AFTL ne’ebé deside iha enkontru iha loron 22 fulan setembru” Nia hatete.
Hosi sorin seluk Sekretariu jeral klubu Mushila Fc Aqing Ung (PK), perkupa ho osan jaminan 1000 dolar ne’e.
“Percupasaun ne’e maka $1,000 osan registu maibe jogu ne’e atu iha premiu de jogu ka oinsa ita la hatene tanba sira tenki loke ba klubu sira ho nunee ita mos sura” dehan Aqing.
Nia dehan, Klubu ne’e ita investe, treinu deit ita tenki selu kampu ba treinu 30 dollar treinu tenki fo han, fo osan, fo aifuan karik fisiku farda, sapatu, decker, bee, no karik jogador aleja tenki buka ema kaer. Processu naruk hirak ne ita tau hela no osan.
Se iha premiu de jogu ne’e apoiu ona klubu hodi bele sustenta buat hirak ne’e mos bele selu netik osan ba jogador sira, Liga Futeball paradu jogador sira ba hotu rai liur, tanba atleta sira hetan osan husi nebe se laiha premiu de jogu.
Hatan ba perkupasaun klubu nian ne’e Sekjen Informa, Iha enkontru entre klubu Sira iha 22 de Outubru Liu ba ne’e AFTL aprezenta ona ba klube Sira katak direitu laos deit atu hetan prêmio do jogu no prêmio campiaun maibe sira mos sei hetan subsídiu.
“Iha enkontru entre klube ho AFTL Ita aprezenta ona katak klube sira nia direitu laos deit atu hetan prêmio do jogu no prêmiu kampiaun maibe Sira mos sei hetan subsídiu” Fernando explika.
Nia Informa, liga primeira divizaun sei hala’o ho full kompetisaun home away no ba segundu divizaun halo one round ou satu putaran deit hanesan iha pra liga liu ba ne’e.
Total klubu hamutuk 24 kompostu hosi Primera divizaun 10 no segunda divizaun hamutuk 14
Klubu Primera divizaun mak, Ramelau Fc, Mushila Fc, Mauputar Fc, Caesar Dante Fc, Boa Sorte Fc, Because United Fc, Sao Francisco Xavier, AD Samoro, Gamer Fc, Jarman Fc.
Klubu segunda divizaun mak hanesan, Fc Coelho, Santa Cruz Fc, Maudoko Fc, Boavista Fc, Bermeta Fc, VDL Lahane, Kuda Ulun Fc, Estrela Baguia, Fitun Estudiante, Crazy hose, Baucau All Star, B’tal Fc, Kablaki Fc, Academica Fc.
Tuir planu kompetisaun ne’e sei hahu iha fulan Novembru no sei termina iha fulan junhu
CharllY Junior
