DILI—Prezidente Assosiasaun Futebol Dili Oeste, Ipolito Soares hatete, asosiasaun futebol munispiu (AFM) haumtuk 11 Solidu nafain atu halo asaun paisifiku hasoru prezidente FFTL Francisco Jeronimo tanba lakon ona Konfiansa ba Francisco Jeronimo ne’ebe la realiza nia promesa iha kongresu FFTL ne’ebe hala’o iha fulan Fevereiru 2022.
Asosiasaun 11 ne’e mak hanesan Assosiasaun Futebol Lautem, Ass. Futebol Manatutu, Ass. Futebol Aileu, Ass. Futebol Ainaru, Ass. Futebol Manufahi, Ass. Futebol Dili Leste, Ass. Futebol Dili Oeste, Ass. Futebol Viqueque, Ass. Arbitrazen, no mos Klubu Kampiuan primeira divizaun no klubu segunda divizaun ne’ebe mak iha diretu ba votu iha kongresu FFTL.
Razaun fundamental ba asosiasaun Futebol sira atu halo asaun paisifiku hasoru prezidente FFTL Francisco Jeronimo ne’e tanba iha kongresu FFTL Fulan fevreiru liu ba atual prezidente FFTL promete buat barak hanesan terseira divizaun no Kopa FFTL ne’ebe sei kompete hosi munispiu Sira maibe la realiza no la selu salariu ba jogador selesaun Nasional no mos Treinador selesaun Nasional inklui la selu arbitrajen Sira ne’ebe mak kumpri ona sira nia dever maibe sira nia diretu FFTL abandona tiha.
“Ami prepara hela atu halo asaun pasifiku hasoru prezidente FFTL maibe ami mos tenki hare’e ba karta kunesimentu husi PNTL tanba ita nia nasaun ita iha direitu mos haree regra sira ne’e bainhira hetan ona autorizasaun ona husi PNTL ami sei halo no ami otimista ami preparadu para halo duni asaun pasifiku ne’e“, prezidente Asosisaun Futebol Munisipiu Dili Oeste Ipolito Soares ba jornalista sira iha nia knaar fatin kampung Alor, Dili sesta (18/11).
Prezidente hatutan, Dalan diak ba futebol Timor-Leste mak prezidente FFTL Francisco Jeronimo tenki rezigna an tanba asosisaun sira lakon konfiansa ona
“Hau hakarak hatete ba prezidente FFTL Francisco Jeronimo katak sira sanulu 11 ida ne’e solidu ona ne’ebe agora prezidente hakarak atu kolia ka kanta mos orsida ba iha kongresu anual maka ami 11 sei la rekonese Francisco Jeronimo nu’udar prezidente FFTL tanba ami lakon ona konfiansa ona ba nia ne’ebe hau nia liafuan ikus ba prezidente FFTL nia kontribuisaun ikus ba futebol Timor-Leste maka tenki rezigna an tanba liga lao“, tenik Ipolito.
Antes ne’e Prezidente FFTL Francisco Jeronimo husu ba asosiasaun Futebol sira atu labele kahur Futebol ho politika
“Bola ne’e laos politik ita labele politiza bebeik sasan sira ne’e, kuandu ita hakarak politiza sasan sira ne’e mak sasan sira ne’e sei sa’i la diak hotu bola ne’e bola” deklara prezidente FFTL Francisco Jeronimo ba jornalista iha Salaun Delta Nova, kinta (10/11).
Konaba ezizensia hosi asosiasaun futebol 11 nian ne’ebe husu ba prezidente Federasaun Futebol Timor Leste FFTL Fransisco Jeronimo nian ne’e, Nia dehan, la iha dalan atu rezigna aan tanba seidauk iha kongresu laos ba husu malu hanesan ne’e.
Entertantu Francisco Jeronimo re-eleitu ba kargu nudár prezidente ezekutivu FFTL ho votu 11 no nia adversariu Nilton Gusmão hetan votu 10 liuhusi votasaun iha segunda ronde Kongresu FFTL ba da-hitu iha Otél Novo Turismo, Dili, Sábadu (26/02/2022).
Caet
