DILI– Treinador Assalam Fc Gaspar Amaral hatete Assalam Fc Iha perparasaun minimu maibe garante sei manan nia ekipa adversariu Emmanuel Fc, tanba sei haforsa hosi jogador estranjeiru nain 6.
Jogu jornada dahuluk primeira divizaun Liga Timorense epoka 2022-2023 Assalam Fc sei hasoru klubu promovidu Emmanuel Fc iha loron tersa (21/02).
Jogu ne’ebe mak sei hala’o iha Estadion Munisipal Dili ne’e Assalam Fc sa’i hanesan ekipa bainka no ekipa Emmanuel Fc nuudar ekipa Uma nain.
“Ami halo ona preparasaun para rekolla pontu tolu hasoru Emmanuel Fc ne’ebe ita sei haree jogu minutu 90 mak sei determina se mak sai manan nain maibe ami optimista sei hetan pontu tolu iha jogu aban nian“, dehan Gaspar ba jornalista sira liu husi konferensia imprensa iha Estadium Munisipal Dili, segunda (20/02).
Treinador explika, preparasaun durante ne’e sira halo minimu tebes maibe ba kompete iha Liga Timorense epoka ne’e, jogador sira preparadu ona fiar katak sei hatudu jogu diak para anima adeptu sira.
“Lista jogador ne’ebe mak ami iha dadauk ne’e Jogador estranjeiru hamutuk nain 6 husi Ghana no Indonesia” nia hatutan.
Iha sorin seluk treinador Emmanuel Fc Emiliano da Silva hatete, sira perparadu atu kompete maske sei kompete deit ho jogador lokal.
“Ami preparadu ona para tuir Liga Timorense epoka 2023, ami preparadu ona kontra Assalam Fc iha loron aban maski ami hatene ekipa ami hasoru ne’e ekipa boot, hau nia ekipa la iha mudansa hau lori jogador lokal sira ne’ebe kampiaun iha divizaun daruak la iha jogador estranjeiru tanba hau tipu treinador promove jogador lokal sira“, tenik Emiliano
Emiliano akresenta, nia prepradu ona jogador sira liga tinan ne’e hodi kompete ho klube boot sira seluk maski sira la iha tarjetu sai kampiaun ba divizaun dahuluk Liga Timorense epoka ne’e maibe sira koko hatudu jogu diak.
DVO
