spot_imgspot_imgspot_img
spot_imgspot_imgspot_imgspot_img
More

    Emmanuel Fc derota kontra Assalam ho score 1-0

    DILI– Klubu promovidu Emmanuel Fc derota kontra nia ekipa adversariu Assalam Fc ho score mihis 1-0 iha jogu kontinuasaun primeira divizaun Liga Timorense epoka 2022-2023.

    Jogu entre ekipa rua ne’e hala’o iha stadion Munisipal Dili tersa (21/02), iha inisiu jogu ekipa rua hotu hotu hatudu jogu ne’ebe furak iha kampu hodi atrai adeptus futebollovers sira hotu.

    Maibe iha inisiu jogu klubu kampeaun segunda Emmanuel Fc ne’ebe mak domina liu bola konsege lansa suta fila fila ba nia ekipa adversariu Assalam Fc maibe guarda no defensivu hosi assalam fc mantein solidu hodi la fo fatin ba klubu promovidu hodi produs golu.

    Enkuantu ekipa Assalam Fc ne’ebe mak tun ho jogador estranjeiru nain 4 dala ida desde inisiu ladun hetan bola iha jogu primeira parte ho nune’e to’o termina jogu primeira parte score mantein okulista 0-0.

    Kontinua ba jogu segunda parte ekipa Assalam Fc halo kedas substituisaun ba jogador hodi halo mudansa ba tatika no mudansa tatika ne’e fo duni rezultadu pozitivu ba Assalam Fc iha minutu 73, jogador substituisaun  Hasan Costa susesu fura rede Emmanuel Fc hodi lori nia ekipa lidera ho score 1-0.

    Jogador veteranu ne’e marka golu liu hosi bola kabesada hafoin simu assitensia bola kruza  hosi nia kompatriota.

    Ho golu ne’e jogu sa’i manas liu tan ba ekipa rua hodi lansa kontra atake ba malu maibe la iha tan golu ruma mak akontese to’o termina jogu segunda parte vitoria ba Assalam Fc ho score 1-0.

    Hosi rezultadu vitoria ne’e lori ekipa Assalam Fc okupa iha terseiru klasifikasaun provizoriu ho pontus tolu hanesan.

    Enkuantu ekipa Emmanuel Fc iha pozisaun 9 ka ikus liu ho pontus 0

    DVO

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img