DILI– Manager klubu Kablaki Fc, Dias Osvaldo Pinto, hatete, Kablaki Fc Menus Perparasaun maibe optimista sei manan nia adversariu iha jogu aban kontra Nagardjo Fc, iha jogu kontinuasaun ba segundu divizaun Liga Timorense epoka 2022-2023.
“Ami la hanesan klubu segundu divizaun seluk ne’ebe perpara antes fulan ida fulan rua ami foin perpara semana rua liu ba maske ami perparasaun minimu maibe ami fiar aan katak ami optimista ami bele gainha jogu iha aban lokraik kontra Nagardjo” dehan Dias Osvaldo Quintas ba jornalista liu hosi konferensia imprensa iha Stadion Munisipal Dili, kinta (23/02).
Nia dehan, sira iha jogador ne’ebe mak mais esperensia no fiar ekipa bele konkista pontus tolu.
Nia hatutan, epoka ne’e Kablaki Fc mantein deit ho jogador antigu nain lima no rekruta tan jogador hamutuk nain 17.
“Ami iha targetu tanba ami iha faila hotu iha tinan kotuk ami iha targetu boot iha tinan ne’e tanba ami tinan 7 ona iha deit segunda divizaun entaun tinan ne’e ami lakohi nafatin iha segunda divizaun” nia hakotu
Iha fatin hanesan treinador Nagardjo Fc, Octavianus Pinto, hatete sira hala’o ona perparasaun fulan ida ona maibe sira sei hala’o jogu ho kuidadu tanba sira seidauk hatene ekipa adversariu.
“Ami treinu durante ne’e diak ami optimista tebes sei manan jogu iha loron aban” Treinador ne’e hakotu.
Jogu Entre ekipa rua ne’e sei hala’o iha loron aban sexta (24/02), iha Estadion Munisipal Dili.
Alsino Da Costa
