DILI– Treinador Lica-Lica Lemorai Fc, Nelson Soares, hatete Armada Lica-Lica Lemorai Fc sei la hakfodak ho nia adversariu sira iha segunda divizaun Liga Timorense epoka 2022-2023, no iha jogu dahuluk kontra Fiel Fc nia optimista sei rekoila pontus tolu.
Jogu entre ekipa rua ne’e sei hala’o iha Estadion Munisipal Dili, domingu (26/02). Atu hala’o jogu nu’udar ekipa uma nain maske sei hala’o jogu ho jogador lokal maibe treinador ne’e garante sei konkista vitoria dahuluk ho ambisaun atu asegura aan hodi labele degrada no hakarak promovidu ba primeira divizaun Liga Timorense.
“Esperansa ba ami nia armada Lica-Lica la iha hakfodak prontu tona atu rekoila 3 pontus iha jogu primeiru ida ne’e ne’ebe Lica-Lica prontu para atu kompete iha Liga ida ne’e” Treinador Lica-Lica Lemorai Fc, Nelson Soares, ba jornalista iha stadion Munisipal Dili kinta (24/02).
“Lica-Lica iha ambisaun makas para atu sae ba primera divizaun ho perparasaun ne’ebe ami iha ami prontu para duni para Liga segundu divizaun ” nia hatutan.
Iha fatin hanesan treinador, Fiel Fc, Ermilo Jose Pereira Xumenes Da Conceçao, informa, peparasaun agora ne’e lao ho diak, maske hasoru hela dezafiu iha jogador tamba jogador tanba ho tempu ne’ebe badak liu atu halo preparasaun maibe sira optimista bele rekolla pontu tolu kontra ekipa husi klubu seluk.
“Ami mai ho jogador maioria lokal maibe ami sei bele kompete ho klubu ne’ebe deit, no ami sei prepara diak liu tan para bele kompete ho jogador sira ne’ebe husi klubu seluk“ nia hatutan.
“Ami nia esperansa atu kontra lika-lika, maibe hau labele foti desizaun agora tamba 90 minutus ne’e sei tomak tamba ne’e ita labele hatene se mak sei manan iha jogu ne’e, maibe ami optimista bele hetan pontus tolu iha kontra ekipa Lica-Lica” nia hakotu.
Alsino Da Costa