DILI– Treinador Assalam Fc Gaspar Amaral hatete, Nia iha ona estratejia hodi antisipa adversariu As Ponta Leste iha jogu jornada daruak primeira divizaun Liga Timorense ne’ebe mak sei hala’o iha sexta loron (03/03).
“Treiandor hotu hotu haree ba nia adversariu halo, ha’u iha planu ne’ebe mak atu antisipa sira bainrua mak ita boot sira haree saida mak ha’u hodi antisipa sira” dehan Treinador Gaspar Amaral ba jornalista liu hosi konferensia imprensa iha Stadion Munisipal Dili (01/03).
Enkuantu Treinador AS Ponta Leste, Adi Fernandes, hatete sira perparadu tanba hala’o ona perparasaun durante semana ida hafoin empata ho Academica iha jogu jornada dahuluk.
“Ami hakarak segundu jogu ne’e ami bele hetan rezultadu diak”
“Assalam mos foin dadauk hetan pontus tolu i Assalam iha jogador estranjeiru nain tolu ne’ebe agresivu tebes tantu hosi baliza defeza no avansadu” Nia hatutan.
Antes ne’e ekipa Assalam Fc manan nia adversariu Emmanuel Fc ho score mihis 1-0.
Enkuantu ekipa As Ponta Leste antes ne’e empata ho Academica Fc ho score 2-2 iha jogu jornada dahuluk.
DVO
