DILI– Karketu Dili Fc derota ho nia adversariu Emmanuel Fc ho score 1-0 iha jogu kontinuasaun primeira divizaun Liga Timorense epoka 2022-2023.
Jogu jornada daruak Liga Timorense entre Karketu Dili Fc kontra Emmanuel Fc ne’e hala’o iha Estadion Munisipal Dili, kuarta (01/03).
Ekipa rua ne’e tun ho jogu ne’ebe mak kuidadu tebes tanba ekipa Karketu nuudar ekipa kampeaun Liga Timorense epoka 2021.
Enkuantu ekipa Emmanuel Fc nuudar klubu promovidu ne’ebe foin promove aan ba primeira divizaun Liga Timorense hafoin sa’i kampeaun ba segundu divizaun Liga Timorense iha epoka 2021.
Ekipa rua ne’e lansa kontra atake ba malu ho kuidadu maibe ekipa Emmanuel Fc ne’ebe hatudu ritmu jogu ho diak konsege domina liu bola no Tama ba iha minutu 36 ekipa Emmanuel Fc konsege hetan oportunidade osan mean.
Hafoin arbitu hatudu penalidade ba ekipa Emmanuel Fc hafoin defeza hosi Emmanuel Fc komete erru hasoru Edit Savio iha area grandeal laran.
No jogador Zinedine Lopes ne’ebe mak sa’i ezekutor ba penalidade refere la konsege hala’o nia servisu ho diak tanba sei bele salva hosi guarda rede Karketu Dili Fc.
Faila hodi produs golu liu hosi penalidade la hamate espiritu kompetetivu hosi ekipa promovidu ne’e hodi lansa atake ba Karketu Dili Fc maske nune’e la iha golu ruma mak akontese to’o termina jogu primeira parte score mantein okulista 0-0.
Kontinua ba jogu segunda parte ekipa rua iha ambisaun aas hodi lansa kontra atake ba malu no tama ba iha minutu 67 ekipa Emmanuel Fc tenke joga deit ho nain 10 hafoin Alexandre Morreira hetan kartaun mean tanba komete erru hasoru Paulo Gally.
Menus jogador ida Karketu Dili Fc tenta atu halo peresaun makas hodi buka oportunidade atu bele produs golu. Maibe tama ba iha minutu 73 Emmanuel Fc halo Karketu Dili Fc hakfodak hafoin avansadu Edit Savio susesu fura rede Karketu Dili Fc hodi muda score ba 1-0.
Eis jogador Boavista Fc no Aitana Fc ne’e marka golu hafoin simu assitensia hosi nia kompatriota iha linha klaran hafoin fura rede Karketu Dili Fc.
Ho score refere jogu sa’i manas liu tan ba ekipa rua hodi lansa kontra atake ba ba malu maibe ekipa Karketu Dili Fc ne’ebe mak sofre uluk golu konsege lansa presaun makas maibwt guarda defensivu hosi Emmanuel Fc nafatin solidu hodi la fo fatin ba nia adversariu Karketu Dili Fc hodi marka golu too termina jogu segunda parte vitoria ba Emmanuel Fc ho score 1-0.
Hosi rezultadu vitoria ne’e ekipa Emmanuel Fc haksoit sa’i hosi jona degradasaun no dudu tun ekipa Karketu Dili Fc ba jona mean ho Pontus 0 hosi jogu rua derota hotu.
DVO
