Dili– Treinador klubu Aitana Fc Jose Fonseca rekonese nia ekipa sofre derota ho adversariu Academica Fc ho score 3-0, tanba faila iha linha defensivu iha jogu segunda parte.
Aitana Fc derota ho adversariu Academica Fc ho score 3-0, iha jogu kontinuasaun primeira divizaun Liga Timorense jornada daruak.
Golu vitoria hosi Academica Fc akontese hotu iha jogu segunda parte liu hosi jogador Juvinal Boavida (70), Hilario Ximenes (73) no Helder Lopes (79).
Ho golu tolu ne’ebe mak akontese hotu iha segunda parte Treinador Aitana Fc, Jose Fonseca, rekonse iha erru hosi linha defensivu ho nune’e adversariu aproveita hodi halo golu.
“Faila iha lina konservasaaun lina defeza nia tamba sira la partisipa iha jogu ida ne’e tanba kolia ema kaer bola mak hakfodak tuir maibe tuir lolos ne’e akompaina jogu ne’ebe ema halo par bainhira bola to sira tenke antisipa bola” dehan Jose Fonseca ba jornalista iha Estadion Munisipal Dili kinta (02/03).
“Hanoin joga ohin derota, preparasaun tuir mai ami tenke hadia diak liu tan atu nune’e hetan rejultadu ba iha jogu ida ne’e” Nia hakotu.
Iha Fatin hanesan treinador Academica Fc Luzinho Saco, hatete, iha jogu primeira parte sira lakon konsentrasun ladun fokus ba sira nia jogus ne’e.
“iha segunda parte konsege hadia fila fali jogu atu nune’e sira joga ain ba ain atu tama husi nain rua hanesan atu halo krosin tama husi klaran, ami aproveita aitana nia erru ne’ebe sira halo ami halo kontra atake” dehan Luzinho.
“Preparasaun atu hasoru Portu Taibesi ami nafatin halo prparasaun maibe ami lakon jogador ida tamba hetan kartaun mean, ida ne’e hau sei servisu makas tan oinsa atu halo preparasaun ba jogu tuir mai” nia hakotu.
Alsino Da Costa
