spot_imgspot_imgspot_imgspot_img
spot_imgspot_imgspot_imgspot_img
More

    Golu Hosi Miguel Araujo, Salva Aitana hosi Derota kontra Assalam

    DILI– Miguel Araujo susesu salva Aitana Fc hosi derota kontra Assalam Fc, iha jogu kontinuasaun primeira divizaun  Liga Timorense epoka 2022-2023.

    Jogu jornada datoluk Liga Timorense entre  Aitana Fc kontra Assalam Fc ne’ebe mak hala’o iha Estadion Munisipal Dili, Sexta, (10/03) ekipa rua jogu ho dramatiku.

    Jogu foin hala’o deit minutu 11 Aitana Fc lidera ona ho score 1-0, liu hosi asaun Hermono Moniz ne’ebe fura rede  Assalam Fc liu hosi suta dook.

    Score refere la dura to’o tempu naruk hafoin tama ba iha minutu 20 Assalam Fc konsege responde ona golu ida hodi halo balansu ba score sai 1-1 liu hosi kapitaun ekipa Jovanio Braz.

    Jogador selsaun nasional ne’e marka golu liu hosi suta penalidade tanba defeza hosi Aitana Fc komete erru iha area grandeal laran.

    Score 1-1 ne’e halo jogu sa’i manas liu tan ba ekipa rua hodi lansa kontra atake ba malu maibe la iha tan golu ruma mak akontese to’o termina jogu primeira parte.

    Kontinua ba jogu segunda parte intensidade jogu kontinua Sae no tama ba iha minutu 51 Assalam Fc lidera hikas ho score 2-1 hafoin Elias Meskita fura rede Aitana Fc.

    Eis jogador Lalenok United ne’e marka golu hafoin hetan bola barulu iha area grandeal laran.

    Makse nune’e score refere la dura to’o tempu naruk tanba tama ba iha minutu 58 Miguel Araujo marka golu furak hodi halo balansu ba score sai 2-2.

    Golu ne’e mos salva nia ekipa Aitana Fc hosi derota ho nune’e ekipa rua tenke fahe pontus.

    Hosi rezultadu empat ne’e la muda assalam fc mantein ukun provizoriu tabela klasifikasaun primeira divizaun Liga Timorense ho pontus 7 hosi jogu tolu manan rua no empata ida.

    Enkuantu ekipa Aitana Fc sae ba pozisaun 5 ho pontus 4 hosi jogu tolu manan ida derota ida no empata ida.

    Alsino Da Costa

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img