DILI — Assalam Fc tenke fahe pontus ho Academica Fc hafoin empata ho score 1-1 iha jogu kontinuasaun primeira divizaun jornada da-haat Liga Timorense ne’ebe mak hala’o iha Estadion Munisipal Dili, kinta (23/03).
Assalam Fc ne’ebe mak antes ne’e okupa iha segunda kalsifikasaun provizoriu iha Liga Timorense primeira divizaun tun kedas ho ambisaun aas hodi dominae liu bola hodi lansa kontra atake ba adversariu Academica Fc.
Relasiona ho dominante bola ne’e konsege halo sa’i golu iha minutu 39 liu hosi asaun Martino Belo hodi muda score ba 1-1.
Avansadu ho numeru kamizola 33 ne’e marka golu hafoin simu assitensia bola kruza hosi nia kompatriota Hasan Costa iha linha direta.
Ho golu ne’e intensidade jogu komesa sae liu tan maibe to’o termina jogu primeira parte ekipa Assalam Fc mantein lidera ho score 1-0.
Kontinua ba jogu segunda parte intensidade jogu komesa manas liu tan maibe ekipa Academica Fc ne’ebe sofre uluk golu desde primeira parte, foti inisiativa hodi halo peresaun makas ho nune’e jogu segunda parte foin hala’o minutu Ida defeza hosi Assalam Fc komete ona erru hodi hamonu Nortey Kojo iha area grandeal ho nune’e arbitu deside hodi fo paenalidade ba Academica Fc.
No jogador Damianus Putra ne’ebe mak sa’i ezekutor ba penalidade refere susesu fura rede Assalam Fc ne’ebe mak hein hosi Nathaniel Agbozo ho nune’e sekor muda aan ba 1-1.
Ho score refere jogu komesa manas liu tan ba ekipa rua ne’e hodi lansa kontra atake ba malu maibe to’o termina jogu segunda parte score 1-1 mantein la muda.
Hosi rezultadu empata ne’e hatuur ekipa Assalam Fc iha pozisaun dahuluk ho pontus 8 hosi jogu dala lima manan rua empata rua no derota dala ida.
Enkuantu ekipa Academica Fc okupa iha pozisaun da-neen ho pontus 5 hosi jogu lima manan ida no empata rua no derota dala rua.
DVO
