DILI — Treinador Fc Porto Taibesse Miro Baldo Bento, hatete Fc Porto Taibesse perparadu no garante sei rekoila pontus 3 kontra AD SLB iha jogu kontinuasaun primeira divizaun Liga Timorense jornada da-haat.
Jogu entre ekipa rua ne’e sei hala’o iha Estadion Munisipal Dili, sexta (24/03).
AD SLB oras ne’e dadaun okupa Hela iha pozisaun daruak Liga Timorense ho pontus 7 hosi jogu dala tolu manan rua no empata ida.
Enkuantu Fc Porto Taibesi dadaun ne’e okupa iha terseiru klasifikasaun provizoriu Liga Timorense ho pontus 6 hosi jogu tolu manan rua no derota rua.
Enkuantu tabela klasifikasaun primeira divizaun Liga Timorense ne’e sei okupa hela hosi Assalam Fc hafoin empata ho Academica Fc.
Hosi pontus ne’ebe ladun dook malu ne’e halo ekipa rua ne’e hotu hotu mai ho ambisaun Aas hodi bele rekoila pontus tolu atu bele lidera tabela klasifikasaun Liga Timorense.
Iha entervista Treinador Fc Porto Taibesse Miro Baldo Bento hatete, sira nia perparasaun hanesan baibain tanba Porto Taibesse konsidera ekipa hotu hotu forte.
“ami hatene ekipa hotu hotu ba ami ne’e hanesan primeiru ami respeita ekipa hotu hotu forte ba ami maibe ha’u sente hanesan ekipa AD. S.L.B. ne’e mak ekipa ida ne’ebe forte liu tanba ekipa hotu hotu derota ona Maibe sira deit mak seidauk” dehan Miro ba JHD iha Kampu futebol Taibesse Dili, Kinta (23/03).
“Ami tenke lebih serius tan hasoru AD SLB, ne’e ha’u perpara ona jogador hodi bele antisipa sira nia kelebihan no kekurangan AD. S.L.B. nian” tenik nia.
“ami tenta para ami bele aproveita sira nia kekurangan hodi bele halo buat ruma tanba Treinador hotu hotu iha Mehi atu hetan pontus tolu” Nia hakotu.
DVO
