DILI– Relasiona ho jogu Karketu Dili Fc kontra AD SLB Laulara, ne’ebe mak tuir orariu atu hala’o iha loron ohin sexta (21/04). Iha ne’ebe AD SLB deside la partisipa iha jogu refere ho nune’e Orgaun Liga Futebol Timor-Leste (LFTL) deside rezultadu Matak Malirin manan ho WO (Walk Over) 5-0.
Diretor Relasaun Publika Diego Neto Fraga, hatete, konaba la marka prezensa hosi ekipa AD SLB kontra Karketu ne’ebe desizivu, ne’e iha relasaun ho jogador ne’ebe atu reforsa ekipa Selesaun Nasional.
Nia afirma, jogador laos ekipa SLB deit mak ba haforsa selsaun nasional hosi Ponta Leste nian mos iha Karketu nian mos iha Fc Portu nian mos iha emmanuel nian mos iha Aitana nian mos iha klubu sira ne’e dirijenti sira iha prontidaun para atu bele kontribui sira nia jogador ba ekipa selsaun nasional
Nia haktuir, lolos loron 17 ne’e jogador sira enbarka ona ba iha Thailandia para atu halo ezibisaun ba ekipa selsaun nasional para atu enfrenta jogu Sea games nian maibe teki-teki jogador sira mak konvokadu ekipa nasional ne’e iha nain lima (5) mak halai sees hosi ekipa konvokadu ne’e hosi airaportu i infelismente despedida halo tiha ona vise prezidente mos halo ona despedida i atitude jogador nain 5 ne’e halai sees fali hosi ida ne’e mak sa’i polemika bo’ot no ohin sira la marka prezensa atu realiza jogu ne’e.
“Iha regras regulamemtu ba jogu nian ba kompetisaun nian wainhira klubu ida la marka sira nia prezensa iha jogu ne’ebe mak termina para sira atu joga entaun nia sansaun ba sira mak automatikamente WO (walk over) ne’e naturalmente Walk Out ne’e ninia golu ne’e 5-0 ba ekipa ne’ebe mak prezensa iha ne’e” Dehan Diretor Relasaun Publika Diego Neto Fraga ba jornalista sira iha Stadion Munisipal Dili, sexta (21/04).
Hosi sikun seluk Sekretariu jeral Karketu Dili Fc Elizeu Isac sente satifas ho desizaun hosi orgaun Liga futebol Timor Leste.
“Justu, se ekipa ida la mai, ekipa ida tenke manan WO buat hotu desizaun regulador da Liga mak Liga Timorense saida mak regulador da Liga hasai ita kumpre” dehan Elizeu Isac.
Entertantu jogu ohin nuudar jogu ne’ebe mak desizivu tebes ho nune’e adeptus hadomi futebol sira kuaze nakonu hotu Tribon rua hodi assiste jogu refere maibe AD SLB deside la partisipa iha jogu refere.
Ho jogu ohin ne’e ekipa Karketu Dili Fc nuudar manan nain hodi fila ho pontus tolu Gratuita hodi okupa iha segunda kalsifikasaun provizoriu Liga Timorense temporada ne’e ho pontus 15 hosi jogu dala 7 manan dala lima no derota dala rua.
Enkuantu ho WO ne’e SLB mantein ukun ho pontus 17 hosi jogu dala 8 manan dala lima empata dala rua no derota ka WO.
JHD
