DILI– As Ponta Leste susesu rekoila vitoria iha jogu jornada ikus kompetisaun Liga Timorense epoka 2022-2023. Maske sofre uluk golu ida maibe klubu hosi munispiu Lautem ne’e susesu hader hikas iha segunda parte hodi halakon nia adversariu Aitana Fc ho score 3-1.
Hala’o jogu iha Stadion Munisipal Dili Sabadu, (22/04/2023). Hala’o jogu ho domina bola desde inisiu halo ekipa Ponta Leste tenke sofre uluk golu ida iha minutu 29. Hafoin Aitana Fc halo kaunter atake ne’ebe mak lais liu hosi jogador estranjeiru Mamadou Conde iha minutu hodi tama ba iha area grandeal ho nune’e defeza hosi As Ponta Leste hamonu jogador refere ikus arbitu deside fo penalidade ba ekipa Aitana Fc.
No makina golu Aitana Fc, Mamadou Conde ne’ebe mak sa’i ezekutor ba penalidade refere susesu fura rede As Ponta Leste hodi muda score ba 1-0.
Golu hosi ekipa Aitana Fc ne’e ladura to’o tempu naruk tanba liu deit minutu 5 As Ponta Leste konsege responde golu ida liu hosi jogador, Lazario Ximenes hodi halo balansu ba score sa’i 1-1.
Ho score refere jogu sa’i manas liu tan ba ekipa rua ne’e hodi lansa kontra atake ba malu maibe to’o termina jogu primeira parte score mantein empata 1-1.
Kontinua ba jogu segunda parte ekipa rua ne’e hasae liu tan tensi jogu hodi lansa kontra atake ba malu no tama ba iha minutu 53 Jaimitu Soares susesu lori nia ekipa As Ponta Leste lidera ho score 2-1.
Ho Score refere jogu sa’i manas liu tan no tama ba iha minutu 66 rede Aitana Fc nakdoko hikas liu hosi asaun makina golu As Ponta Leste, Expedito Coceicao hodi hasae score ba 3-1.
Makina golu As Ponta Leste ho numeru kamizola 10 ne’e fura rede Aitana Fc hafoin hatudu nia asaun individual hodi sobu defeza Aitana Fc hafoin marka nia naran.
Ho Score refere jogu sa’i manas liu tan ba ekipa rua maibe to’o termina jogu segunda parte score mantein 3-1 vitoria ba As Ponta Leste.
Hosi rezultadu vitoria ne’e hatuur metin ekipa As Ponta Leste iha pozisaun datoluk Liga Timorense primeira divizaun ho pontus 15 hanesan ho Karketu Dili Fc maibe Karketu Dili Fc liu ho produtividade golu.
Entertantu ekipa Aitana Fc mantein iha pozisaun ikus ho pontus 4 hosi jogu dala 7 manan dala ida empata dala ida no derota dala lima.
JHD
