DILI– Susesu ekipa zigante Munispiu Dili,. Karketu Dili Fc sa’i kampeaun ba Liga Timorense epoka 2022-2023, hatuur ekipa istimadu Matak malirin ne’e hanesan “Liura” ba Liga Timorense.
Iha jogu krusial hanesan mos jogu ne’ebe mak desizivu tebes ne’ebe mak hala’o iha Estadion Munisipal Dili, sexta (28/04) klubu istimadu ho naran Matak Malirin ne’e susesu halakon nia adversariu Fc Portu Taibesse ho score mihis 1-0.
Ho prestasaun refere nuudar trofeu Liga Timorense ba dala tolu (3) ba Matak malirin desde kompetisaun liga Timorense ne’e hahu iha tinan 2015 ne’ebe mak sei konesidu ho naran Liga Futebol Amadora (LFA).
Klubu ne’ebe mak komanda hosi Adilson Ribeiro susesu sa’i kampeaun ba dahuluk Liga Futebol Amadora (LFA) iha 2017.
Hafoin iha tinan 2020 LFA transforma ba Liga Timorense Karketu Dili Fc istimadu Matak malirin ne’e marka istoria foun nuudar ekipa dahuluk ne’ebe mak sa’i kampeaun ba Liga Timorense epoka 2021. No mos ekipa dahuluk ne’ebe mak sa’i kampeaun ba dala rua iha Liga.
No iha kompetisaun Liga Timorense epoka 2022-2023 ekipa Karketu Dili Fc konkista trofeu Liga Timorense ba dala tolu hafoin halakon nia adversariu Fc Portu Taibesse iha jogu krusial Liga Timorense.
Ho trofeu Liga Timorense ba dala tolu ne’e treinador klubu Karketu Dili Fc, Antonio Timotiu hatete, Kampeaun dala tolu ne’e liurai duni sei komanda hela.
“Karik bele dala tolu ne’e liurai duni maibe Karketu nia simbu ne’e liurai duni, dala tolu ona nee katak sei mantein komandu hela” tenik nia.
Entertantu prosesu Karketu Dili Fc sai kampeaun ba Liga Timorense epoka ne’e hahu hosi derota dala rua tuir malu iha jogu jornada dahuluk no jornada daruak hafoin hader hikas Karketu Dili Fc susesu manan hotu iha jogu neen tuir malu hodi ikus mai rekoila pontus hamutuk 18 hodi sa’i kampeaun ba Liga Timorense temporada ne’e.
JHD
