DILI -Governu liu husu Sekretariu Estadu Juventude Desportu enkoraja atleta selesionadu sira neebe mak atu dezloka ba kompete iha jogu sudeste aziatiku (Sea Games) ba edisaun 32 Cambodia tenke manten nafatin disiplina tanba reprezenta nasaun RDTL.
Husu ba atleta sira atu disiplina halo tuir regra tanba sira ba representa RDTL tenke joga ho dignidade lakon ho dignidade mos manan ho dignidade tanba ba atu kompete ida ne’e mak ita nia mensajen ba sira.
“Husu ba atleta sira atu disiplina halo tuir regra tanba sira ba reprezenta RDTL tenke joga ho dignidade lakon ho dignidade mos manan ho dignidade tanba ba atu kompete ida nee mak ita nia mensajen ba sira” dehan diretor jeral SEJD David Tomas De Deus ba jornalista iha Kazerna Polisia Militar Domingu (30/04).
Esperansa Governu nian mak atleta sira ba laos partisipa maibe atu kompete tanba nee povu Timor hotu hein atleta sira nia prestasaun atu hetan saida husi atleta sira rasik.
Iha sorin seluk Prezidente Komisaun Preparasaun Integradu ba Sea Games, Zeferino Viegas Tilman informa, durante fulan rua iha CDTL nia mahon atleta sira konsege prepara ho masimu nunee too ona tempu atu halo eneseramentu Ba preparasaun hodi hein dezloka ba Cambodia.
Nia haktuir, CDTL nia observasaun ba atleta sira kuaze prepara ho diak maske iha dimesaun ida rua maibe nee normal no fiar katak sira sei hatudu prestaun diak iha eventu sea Games 2023.
Nia haktuir modalidade futebol aranka ba uluk ona agora sira iha Cambodia sira kompete ona maske sira hatudu rezultadu negativu maibe espera katak jogu tuir mai bele hetan resultadu positivu.
Iha fatin hanesa reprezentante atleta husi modalidade Taekwondo Tereza Simoe do Rego, konfirma, katak hanesan atleta prontu ona atu kompete
“Ami nia preparasaun durante nee sente diak tanba buat hotu hotu lao diak tebes” dehan nia.
Nia mos iha esperansa boot katak hatudu jogu neebe diak atu nunee bele hatudu rezultadu neebe mak pozitivu.
“Hau hanesan Atleta la promete atu lori medalla mai TL maibe sei hatudu jogu neebe diak” Nia hatutan.
Atleta Tereza Simoe do Rego rasik sei kompete iha klase under 49 Kg.
To’o oras ne’e foin modalidade futebol mak ba Cambodia no hala’o ona jogu Enkuantu madalidade sira seluk hanesan Taikondow, Karate, Boxe, Atletsimu, Voli Praya, Cicilismu seidauk desloka ba Kambodia.
JHD
