DILI– Asistente Treinador Klubu Emmanuel Fc Van Basten hatete, Liga Timorense epoka 2022-2023 ne’e Aldeia Cup tanba orgaun Liga futebol Timor Leste (LFTL) la iha seriedade hodi organiza.
Kompetisaun Liga Timorense temporada ne’e termina ona no ekipa Karketu Dili Fc mak sa’i kampeaun ba Liga refere.
“Ami mai joga hanesan aldeia Cup ida entaun ami hanesan treinador klubu ne’ebe mak sei mantein nafatin ami sente sira la iha seriedade LFTL la iha seriedade ba Liga ba epoka ida ne’e” dehan Basten ba jornalista sira iha Stadion Munisipal Dili domingu (30/04).
“Ohin Liga epoka 2023 ne’e remata ohin ami konsege manan Aitana Fc ho 8-2 maibe hosi ami nia parte emmanuel ne’e ami sente la satisfas ho LFTL tanba ami nia jogu ikus ne’e nein buat ida akontese nein sira ba cek naran lista nein sira halo tuir kriteria profesional ne’ebe mak baibain ne’e la iha liu” tenik nia
Hatan ba prekupasaun hirak ne’e Match Comisioner LFTL, Martinho Ribeiro hatete molok ekipa sira atu joga sira sempre cek lista jogadores sira nian, no jogu lao hela hanesan bain hela hanesan ho ekipa sira seluk.
“Ami foo lista ba sira, sira vistu mai depois ami cek hela lista jogadores sira“dehan nia.
Nia informa lista jogadores hotu hotu fo ba sira no Treinador sira hein vistu deit.
JHD
