DILI– Avansadu Selsaun nasional Elias Joao Mesquita, susesu marka golu rua iha debut dahuluk hamutuk ho klubu foun Kota Ranger Fc, iha jogu kontinuasaun Brunei Super League.
Elias Mesquita foin mak selebra kontratu ho klubu Kota Ranger Fc foin lalais ne’e.
Iha Elias nia jogu dahuluk ne’ebe mak hala’o iha Kompleks sukan tutong, Kuarta (26/05/2023) kontra Kasuka fc ne’e jogador Timoroan ne’e oferese golu rua ba nia ekipa.
Elias ne’ebe mak tun hanesan starter susesu fura rede kasuka fc liu hosi asaun kabesada iha minutu 25.
No tama ba iha minutu 44 Eis jogador Assalam Fc no Lalenok United ne’e susesu fura rede kasuka fc liu hosi suta livre hodi lori nia ekipa lidera 3-1 iha jogu primeira parte.
Iha jogu segunda parte Kasuka fc domina liu jogu hodi marka golu tolu hodi hatuur score sa’i 4-3.
Elias Mesquita konsege marka golu rua iha nia debut maibe la konsege lori nia ekipa hodi asegura pontus.
Ho rezultadu derota ne’e hatuur ekipa Kota Ranger Fc iha pozisaun 5 ho pontus 7 hosi jogu dala tolu.
JHD
