DILI — Klubu primeira divizaun Liga futsal, husu ba Federasaun Futebol Timor-Leste (FFTL) atu foti medidas hodi hamoris fila fali Liga futsal Timor Leste, tamba durante tinan rua nia laran Asosiasaun Futsal Timor Leste (AFTL) kontinua dukur hodi la realiza Liga.
“Husu ba FFTL atu foti medidas oinsa atu hamoris hikas Liga futsal iha ita nia rai, tanba agora AFTL la iha serteza ba Liga futsal ho nune’e Federasaun bele foti asaun ruma alerta ba AFTL atu bolu hikas klubu sira ne’e para atu bele explika katak programa Liga futsal Timor Leste ne’e bainhira loos mak atu la’o?” dehan Sekretariu jeral klubu Mushila Fc, Aquing Ung (PK) ba jornalista sira iha Timor Plaza Dili, Sexta, (26/05/2023).
“Tamba hanesan klubu ami sente triste tebes ho asosiasaun federasaun tanba mosu mai ho planu ne’ebe mak furak tebes i konsege raliza duni i klubu ida konsege reprezenta Timor Leste ba partisipa Taxa iha Thailandia ne’eba maibe depois tinan ne’e ita la konsege partispa iha Taxa refere tanba ita nia liga la la’o tanba ne’e mak hanesan klubu sente triste ho ita nia asosiasaun ne’ebe mak moris mai mate kedas” nia hatutan
Sekretariu jeral klubu ne’e haktuir, Iha dezembru tinan kotuk sira konvoka ona enkontru hodi koalia konaba kampu no AFTL fo opsaun kampu rua ida mak ba iha Ginazio Despotu Dili (GDD) no ida seluk mak kampu F-FDTL. No klubu partisipante Liga aseita atu ba joga iha kampu F-FDTL nian.
Nia afirma, depois de enkontru nee hotu na realidade la iha kontinuasaun no klubu sira mos kontinua hein maibe nafatin la iha serteza hosi Asosiasaun futsal.
“Karik asosiasaun la iha planu asaun diak ba futsal iha rai laran ha’u husu para se bele estrutura asosiasaun futsal ne’ebe mak eleitu atu bele tuur fila fali hanoin didiak se imi sente la iha kapasidade la iha vontade atu lidera asosiasaun ne’e husu para atu reestruturasaun ida para ita hili ema ida ne’ebe lolos ho pozisaun ne’ebe loos ho hanoin ne’ebe loos atu dezenvolve ita nia futsal iha rai laran” nia tenik.
Tanba tuir nia, Se nune’e hela deit Despotu modalidade futsal sei hakdasak nafatin tinan ba tinan tanba ne’e husu asosiasaun futsal tenke hader ona tanba tempu ne’e lao bebeik tinan rua nia laran la iha liga ne’e duni husu para asosiasaun foti netik medidas ruma ba iha kestaun liga futsal ne’e rasik.
Rekorda fali katak klubu hirak ne’ebe mak sa’i sa’i hanesan membru ba iha AFTL hamutuk 24 kompostu hosi priemeira divizaun 10 no segunda divizaun 14 priemeira divizaun mak hanesan Ramelau Fc, Mushila Fc, Boa Sorte Fc, Because United, Mauputar Fc, Sao Francisco Xavier, Caesar Dante Fc, AD Samoro, Gamer FC no As Jerman Fc.
Enkuantu hosi segundu divizaun mak hanesan, Coelho FC, Bermeta FC, Maudoko FC, Academica Fc, B’tal FC, VDL Lahane Boavista Fc Timor Santa Cruz, AD Estrela Baguia, Kuda Ulun, Crezy Horse, FIEL FC, Baucau all Star.
JHD
