DILI–Jogu kontinuasaun faze elimimasaun BNCTL Cup 2023 ekipa femenina Institutu Superior Cristal (ISC) tebe sa’i nia adversariu Wester Union ho score mihis 1-0 iha faze 16 finais ne’ebe mak hala’o iha kampu multifunsaun bebora Dili Segunda (26/06).
Desde inisiu jogu ekipa rua ne’e hotu hotu hatudu ritmu jogu ne’ebe diak hodi lansa kontra atake ba malu maibe ekipa rua ne’e mos hala’o jogu ho ofensivu, no tama ba iha minutu 11 sorte diak monu liu ba ekipa ISC hodi marka golu liu hosi asaun individual Alexandrina ne’ebe mak susesu kore aan hosi defeza Wester Union hodi fura kedas rede ekipa adversariu Wester Union hodi muda score ba 1-0.
Ho score refere halo jogu komesa manas no obriga ekipa Wester Union kore aan hodi halo kontra atake ne’ebe makas hasoru ISC maibe score refere dura to’o oras primeira parte termina.
Kontinua ba jogu segunda parte intensidade jogu komesa manas liu tan liu hosi kontra atake ba malu maibe esforsu ne’ebe mak ekipa rua ne’e halo la konsege aproveita sa’i golu ho nune’e score 1-0 dura to’o oras segunda parte termina vitoria ba ISC.
Hosi rezultadu ne’e hakotu ona jornada Wester Union hosi BNCTL Cup 2023, tanba jogu refere ho sistema bota fora ka lakon sa’i.Enkuantu ekipa ISC sei kontinua hakat ba faze elimimasaun 8 finais.
Entertantu jogu BNCTL Cup 2023 ne’e organiza hosi Joventude Hadomi Despotu (JHD) ho objetivo atu selebra aniversariu BNCTL nian ba dala 12.
JHD
