DILI — Jogu Apuramentu BNCTL Cup 2023, ne’ebe mak organiza hosi Joventude Hadomi Despotu (JHD), ofisialmente termina ona no ekipa futsal femenina hamutuk 32 mak hakat ba faze eliminasaun.
Iha domingu loron (25/06) nuudar jogu ikus ba faze apuramentu ekipa femenina hamutuk 8 hanesan MAP, ISC, MAE, MAPKOMS, ANPM, SFMR, Serve. IP no Telemor hakat tuir ekipa hamutuk 24 ne’ebe mak antes ne’e hakat uluk ona ba faze knock out.
MAP hakat ba faze eliminasaun 32 finais nu’udar kampeaun grupu (C) hafoin halakon adversariu ISC ho score fantastiku 12-0. Maske ekipa ISC derota maibe nafatin hakat ba faze eliminasaun hanesan urutan ketiga terbaik.
MAE hakat ba faze eliminasaun 32 finais nuudar runner-up grupu (J), hafoin halakon adversariu Mapkoms ho score 6-1. Maske derota maibe ekipa MAPKOMS mos nafatin hetan bileti hodi ultrapasa ba faze eliminasaun 32 finais.
Hosi jogu seluk pool (L) ekipa femenina Autoridade Nasional Petroleum i Minerais (ANPM) mos halakon nia adversariu Servisu Finanseiru Moris Rasik (SFMR) ho score 3-0 maske nune’e ekipa rua ne’e hakat hotu ba Faze Eliminasaun 32 finais.
Aleinde ne’e ekipa femenina Telemor mos hakat ba faze eliminasaun 16 finais nuudar runner-up hafoin halakon nia adversariu Serve. IP ho ho score 4-0, maske nune’e ekipa Serve IP nafatin hetan bileti hodi tama ba faze eliminasaun 32 finais nuudar Mellor ekipa datoluk.
Antes ne’e ekipa hamatuk 24 mak hakat uluk ona ba faze eliminasaun 16 finais mak hanesan Santos, MCAE, BTL.EP, Timor Telekom, Plan internasional, MTC, Timor Plaza, BCTL, MOF, Sefoope, SGP, UN Agency, Secoop, Telkomsel, ANZ, BNU, UNTL, Wester Union, GMN, MSSI, Embassy, BNCTL, Timor Gap, MACLN, BRI.
JHD
