Dili — Uniku golu hosi Nercia Gutteres, susesu lori ekipa Futsal Femenina Universidade Nasional Timor Lorosa’e (UNTL), hakat ain ba faze 8 finais BNCTL Cup 2023, hafoin halakon nia adversariu All Embassy ho score mihis 1-0.
Duelo entre ekipa rua ne’e hala’o iha kampu multifunsaun bebora Dili, segunda, (26/06) jogu ho siatema bota fora, halo ekipa rua ne’e hala’o jogu ho kuidadu tebes desde kick off priemeira parte.
Maske nune’e ekipa rua ne’e hotu hotu hala’o jogu defensivu no hein deit oportunidade hodi lansa kontra atake ba malu maibe to’o termina jogu primeira parte ekipa rua hatudu forsa hanesan ho nune’e to’o termina jogu primeira score mantein okulista 0-0.
Kontinua ba jogu segunda parte intensidade jogu komesa manas ba ekipa rua ne’e hodi lansa kontra atake ba malu hodi anima tebes adeptus sira.
No tama ba iha minutu 25 ekipa UNTL Susesu fura rede All Embassy liu hosi asaun individual Nercia Gutteres hodi hatuur score ba 1-0.
Ho score refere jogu sa’i manas liu tan ba ekipa rua no ekipa All Embassy hahu ne’ebe mak sofre uluk golu ida tenta halo presaun makas ho nune’e tama ba iha minutu 29 ekipa All Embassy konsege hetan oportunidade ne’ebe berliante hodi produs golu liu hosi suta penaltu hafoin akontese hanball. Maibe Jogador Adita ho numeru kamizola 97 ne’ebe mak sa’i ezekutor ba penaltu refere la konsege aproveita ho diak tanba falla hodi produs sa’i golu ho nune’e to’o termina jogu segunda parte vitoria ba UNTL ho score mihis 1-0.
Hosi rezultadu vitoria ne’e lori ekipa UNTL hakat ain ba faze eliminasaun 8 finais BNCTL Cup 2023.
Enkuantu ekipa All Embassy obrigado tenke elimina hosi BNCTL Cup tanba jogu refere ho sistema bota fora ka lakon sa’i.
Entertantu BNCTL Cup 2023 ne’e organiza hosi Joventude Hadomi Despotu (JHD) ho objetivu atu selebra aniversariu BNCTL ba dala 12
JHD
