spot_imgspot_imgspot_img
spot_imgspot_imgspot_imgspot_img
More

    BNCTL Cup 2023, Sefope “Hakotu” Jornada Plan Internasional ho Drama Penalidade

    DILI — Jogu kontinuasaun BNCTL Cup faze eliminasaun 16 finais ekipa femenina Sekretariu Estadu Formasaun profesional no Empregu (Sefope) hakotu jornada Plan Internasional liu hosi suta penalidade. Antes ne’e ekipa rua empata ho score 2-2 iha tempu normal.

    Duelo entre ekipa rua ne’e hala’o iha kampu multifunsaun Bebora, Dili, Kinta (29/06). Desde inisiu jogu priemeira parte lao kedas ho tensi ne’ebe makas hodi lansa kontra atake ba malu ho nune’e jogu foin hala’o deit minutu 3 ekipa Plan Internasional lidera ona ho score 1-0 liu hosi asaun Petrosa.

    Ho golu ne’e jogu sa’i manas liu tan ho nune’e score refere la dura to’o tempu naruk tanba tama ba iha minutu 6 ekipa Sefoope responde kedas golu ida liu hosi jogador Jacinta hodi halo balansu ba score sa’i 1-1.

    Ho Score refere tensi jogu sei la tun ekipa rua hotu hotu iha ambisaun boot hodi buka oportunidade atu produs tan golu liu hosi kontra atake ne’ebe makas no tama ba iha minutu 10 ekipa femenina Plan Internasional lidera hikas ho score 2-1 liu hosi jogador Andresia Leite.

    Ho golu ne’e halo jogu sa’i manas liu tan ba ekipa rua ne’e maibe score refere konsege dura to’o termina jogu primeira parte.

    Tama ba segundu parte tensi jogu aumenta manas liu tan hodi anima tebes adeptus hotu hotu   ne’ebe mak asiste direta jogu refere.

    Maibe ekipa Plan Internasional ne’ebe mak nakonu ho jogador ne’ebe otas joven konsege domina liu bola maibe antes atu termina jogu segunda parte ekipa Sefoope konsege responde golu ida hodi halo empata ba score sa’i 2-2.

    Ho rezultadu empata ne’e obriga ekipa rua tenke hakat ba suta penaltu no iha suta penaltu ne’e ekipa Sefoope make sa’i manan nain ho golu 3-1.

    Ho vitoria ne’e lori ekipa Sefoope hakat ba 8 finais BNCTL Cup 2023, no ekipa plan internasional elimina ona hosi eventu refere.

    Entertantu jogu BNCTL cup 2023 nee organiza hosi Joventude Hadomi Despotu (JHD) ho objetivu atu selebra aniversariu Banku Nasional Timor Leste (BNCTL) ba dala XII.

    JHD

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img