DILI — Jogu kontinuasaun BNCTL Cup 2023, faze eliminasaun 16 finais ekipa Eletrisidade De Timor Leste empreza publiku (EDTL, E.P), “hamate” nia ekipa adversariu Ministeru solidaridade sosial no inkluzaun (MSSI) ho score 8-2.
Hala’o jogu iha kampu multifunsaun Bebora Dili, Sexta, (30/06) desde inisiu jogu ekipa EDTL fo presaun makas ba ekipa MSSI no presaun ne’e efetivu iha jogu priemeira parte nune’e ekipa EDTL konsege produs golu 4
Golu hirak ne’e produs hosi jogador Salvador iha minutu 7 no minutu 11 no golu rua seluk marka hosi jogador Nelson Belo iha minutu 16 no 18.
Enkuantu ekipa MSSI konsege responde deit golu ida liu hosi jogador Nelson Belo iha minutu 19 ho nune’e to’o termina jogu primeira parte ekipa EDTL lidera ho score 4-1.
Kontinua ba segunda parte ekipa EDTL kontinua domina nafatin bola ho nune’e iha segunda parte ne’e ekipa EDTL produs tan golu 4 liu hosi Angelo Francisco, no Salvador no golu rua seluk nafatin produs hosi Nelson Belo.
Enkuantu ekipa MSSI responde deit tan liu hosi jogador Calis ho nune’e to’o termina jogu segunda parte vitoria ba EDTL ep ho score 8-2.
Rezultadu ne’e hamate jornada ekipa MSSI hosi BNCTL Cup 2023, Enkuantu ekipa EDTL kontinua hakat pasu ida hodi ba faze eliminasaun 8 finais.
JHD
