DILI– Torneo BNCTL Cup 2023 ekipa Sekretariu Estadu Coperativa (SECOOP) “Hases” nia adversariu Sinar Mas liu hosi marka penalidade ho score 3-1, hafoin ekipa rua ne’e empata iha iha tempu normal.
Jogu entre ekipa rua ne’e hala’o iha kampu multifunsaun Bebora Dili, sexta (30/06), iha inisiu jogu priemeira parte ekipa secoop konsege domina liu bola hodi lansa presaun makas makas ba adversariu Sinar Mas no tama ba iha minutu 7 Ricardo konsege produs golu ida hodi lori nia ekipa secoop lidera ho score 1-0.
Liu deit minutu rua Ricardo sa’i tan mehi aat ba ekipa Sinar Mas hafoin fura tan rede Sinar Mas, hodi marka tan nia naran hodi hatuur score ba 2-0.
La para deit ho golu Ricardo maibe Giovanio mos kontribui golu ida iha minutu 14 hodi haboot liu tan score ba 3-0 hodi termina jogu primeira parte.
Kontinua ba jogu segunda parte intensidade jogu komesa manas liu tan ba ekipa rua ne’e hodi lansa presaun ba malu, maibe ekipa Sinar Mas ne’ebe mak sofre uluk golu tolu iha priemeira parte konsege responde golu ida liu hosi jogador Sergio hodi hamihis score sa’i 3-1.
Ho golu ne’e hamoris hikas vontade jogu ekipa Sinar Mas ho nune’e tama ba iha minutu 29 Ilidio konsege produs tan golu ida hodi hamihis score sa’i 3-2.
Ho golu refere halo linha defensivu hosi ekipa secoop lakon konsentrasun ho nune’e liu deit minutu 2 Ilidio konsege produs tan golu ida hodi halo balansu ba score sa’i 3-3.
Ho Score refere tensi jogu komesa manas liu tan ba ekipa rua ne’e maibe to’o termina jogu segunda parte ekipa rua ne’e hatudu forsa hanesan nune’e obriga ekipa rua tenke kontinua ba marka penalidade.
Iha drama suta penalidade ne’e ekipa secoop susesu halakon nia adversariu Sinar Mas ho score 3-1.
Ho rezultadu ne’e lori ekipa BTL. ep hakat tan pasu ida hodi ba faze 8 finais BNCTL Cup 2023. Enkuantu ekipa Sinar Mas obrigado tenke elimina hosi eventu refere.
Entertantu jogu ne’e organiza hosi Joventude Hadomi Despotu (JHD) ho objetivu atu selebra aniversariu Banku Nasional Timor Leste (BNCTL) ba dala XII.
JHD
