spot_imgspot_imgspot_imgspot_img
spot_imgspot_imgspot_imgspot_img
More

    “BNCTL Cup 2023” ekipa Futsal Femenina MAE halakon MTC ho Score 2-1

    DILI– Jogu kontinuasaun BNCTL Cup 2023, faze eliminasaun 16 finais ekipa femenina Ministeru Admnistrasaun Estatal (MAE) susesu halakon nia adversariu Ministeru Transporte no Komunikasaun (MTC) ho score mihis 2-1. Vitoria ne’e lori ekipa MAE hakat ba 8 finais.

    Jogu ne’ebe mak hala’o iha kampu multifunsaun Bebora Dili Sexta (30/06) iha inisiu jogu priemeira parte ekipa rua hala’o jogu ho kuidadu tebes liu hosi kontra atake ba malu.

    Hasoru ekipa MAE ne’ebe mak nuudar juara bertahan BNCTL Cup, halo ekipa MTC hala’o jogu ho linha defensivu ne’ebe mak solidu maibe ekipa MAE ne’ebe mak haforsa hosi jogador esperiente Renata nafatin halo presaun ho tentativa oioin ho nune’e tama ba iha minutu 4 ekipa MAE konsege fura rede MTC liu hosi jogador Esmeralda hodi muda score ba 1-0.

    Ho golu ne’e halo jogu komesa manas tanba ekipa MTC mos tenta komesa kore aan hodi halo kaunter atake maibe score 1-0 dura to’o termina jogu primeira parte.

    Kontinua ba jogu segunda parte intensidade jogu komesa manas liu tan ba ekipa rua ne’e hodi lansa kontra atake ba malu no tama ba iha minutu 25 ekipa ekipa MAE produs tan golu ida hodi haboot score sa’i 2-0 liu hosi jogador Renata.

    Ho Score refere jogu kontinua manas liu tan ba ekipa rua ne’e hodi lansa kontra atake ba malu ho nune’e tama ba iha minutu 29 ekipa MTC konsege responde golu ida hodi hamihis score sa’i 2-1 to’o termina jogu segunda parte vitoria ba ekipa MAE.

    Hosi rezultadu vitoria ne’e lori ekipa MAE hakat ba 8 finais BNCTL Cup 2023. Enkuantu ekipa MTC elimina ona hosi BNCTL Cup 2023.

    JHD

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img