DILI– Ensinu Sekundariu Geral (ESG) Nikolau Lobato iha ambisaun hakarak manan nia adversariu Ensinu Sekundariu Geral (ESG) Sagrada Corasao De Jejus (Sacrojes) iha abertura Taxa Esperansa 2023.
Kompetisaun ba Taça Esperança 2023, ofisialmente dada ona sorteu no liu hosi sorteo ne’e Eskola Sekundariu Geral Nikolau Lobato mak sei jogu abertura ho Ensinu Sekundariu Geral Sacrojes.
Duelo entre ekipa rua ne’e sei hala’o iha kampu Federasaun Futebol Timor-Leste (FFTL) loron 30 fulan agustu ne’e.
Liu hosi konferensia ba imprensa iha domingu loron 27 fulan agustu ne’e treinador ba ekipa hosi ESG Nikolau Lobato, Atanasio Pinto, ho fiar aan hodi hatete, sira halo ona perparasaun durante fulan ida ona tanba ne’e sira garante sei manan iha jogu abertura kontra Sacrojes.
“Hasoru Eskola Sacrojes ne’ebe dia 30 ami sei hasoru liu hosi perparasaun ne’ebe mak ami halo durante ne’e ami mos perpara duni laos dehan katak perpara masimu maibe sufsiente atu bele responde ba nesesidade ne’ebe ke mai ami eskola Nikolau Lobato nia esperansa katak ami sei Esforsu ba oin nafatin mantein ami nia pozisaun nuudar ekipa ami nafatin iha hanoin ida katak ami tenke manan iha jogu ida ne’e” dehan Treinador Nikolau Lobato.
“Ami Nia perparasaun kuaze fulan ida resin tanba hahu iha Sao Pedro Cup ami mos perpara tama to’o iha Sao Miguel Cup no nafatin ami kontinua treinu durante fulan ida resin ona maske ami hetan difikuldade maibe ami nafatin iha esperansa katak ami sei manan iha jogu ida ne’e liu liu iha ami nia ekipa adversariu Sacrojes ami garante katak sei manan” nia hatete ho fiar aan.
Hatan ba lia manas hosi Treinador ekipa Nikolau Lobato nian ne’e treinador hosi ekipa Sacrojes, Balzano Mateus Gonzaga, hatete katak, Sacrojes prontu atu kompete ho adversariu liu-liu eskola Nikolau Lobato maske ladun iha perparasaun ne’ebe mak efetivu.
“Ho prezensa Taxa ida ne’e Ha’u hanoin katak eventu Taxa ida ne’e importante tebes ba amantes futebolista hotu tamba ne’e iha oportunidade ida ne’e hakarak hatete katak Sacrojes prontu atu kompete ho adversariu liu-liu eskola Nikolau Lobato, kona-ba tekniku ne’e jogador sira nia Maibe entermos de ekipa ami prontu atu kompete masamke perparasaun ladun efetivu tanba ami simu konvite tanba foin fulan ida ka semana tolu hanesan ne’e maibe espera katak jogador sira bele hatudu jogu ne’ebe diak iha eventu ida ne’e” dehan Treinador ekipa Sacrojes.
“Hau garantia ha’u nia jogador sira maske tempu ne’e limitadu maibe espera katak sira bele halo buat diak iha kampu laran” Nia hakotu.
Entertantu iha dada sorteu nee eskola hamutuk 16 ne’e fahe ba pool haat hosi (A) too (D).
Iha pool (A) Nicolau Lobato, Sacrojes, Cafe Taibessi e Canossa
Pool (B) 12 de Novembro, São Pedro, Externato São José & EEC Becora
Pool (C) 5 de Maio, São Miguel, São Jose Operário & 4 de Setembro
Pool (D) Colegio Paulos VI, Cristal, An’nur & Herois da Patria
JHD
