DILI– Eskola Ensinu Sekundariu Café Taibesse derota kontra Eskola Santa Madalena de Canossa ho score 1-3, iha jogu kontinuasaun faze apuramentu pool (A) ho Treinador Eskola Sekundariu Café Taibesse, Justino Ximenes, rekonese sira nia estudante sira Falla iha fiziku.
Hala’o jogu iha kampu Federasaun Futebol Timor-Leste (FFTL), kinta (31/08). Eskola Santa Madalena de Canossa domina kedas jogu desde inisiu jogu hodi lansa presaun makas ba adversariu Cafe Taibesse ho nune’e tama ba iha minutu 14 Marco Guterres susesu fura rede Café Taibesse hodi lori nia ekipa lidera provizoriu ho score 1-0.
La hein tan tempu naruk ba Eskola Canossa hodi amunta tan golu tanba liu deit minutu ida Canossa hasae tan score ba 2-0 liu hosi asaun Xavio Monteiro.
Ho score halo jogu sa’i manas liu tan ba ekipa rua ne’e hodi lansa kontra atake ba malu no tama ba iha minutu 35 eskola Café Taibesse konsge produs golu ida hodi hamihis score sa’i 2-1, ho nune’e to’o termina jogu primeira parte.
Kontinua ba segunda parte intensidade jogu komesa manas liu tan ba ekipa rua ne’e hodi lansa kontra atake ba malu no tama ba iha minutu 53 Eskola Santa Madalena de Canossa haboot liu tan score sa’i 3-1 to’o termina jogu segunda parte vitoria ba Canossa.
Hosi rezultadu vitoria ne’e lori ekipa Canossa okupa iha segundu klasifikasaun provizoriu pool (A) ho pontus 3.
Hafoin remata jogu Treinador Eskola Café Taibesse, Justino Ximenes, rekonese nia ekipa derota tanba Falla iha fiziku nune’e iha jogu tuir mai sira sei hadia diak liu tan.
“hau Hanoin rezultadu jogu ohin la a-favor mai ami mesmu ke ami nia perparasaun masimu maibe ami nia forsa mak to’o iha ne’e klaru ke ba oin ami sei hadia diak liu tan iha jogu rua tuir mai” dehan Treinador ne’e.
“hau hanoin falla ne’e iha treinamentu fiziku ba jogador ninia ne’ebe kuaze ohin sira la mai ho estamina ne’ebe 100 porsentu fit” tenik nia.
Iha sorin seluk Treinador Eskola Canossa, Justino Ximenes hatete, durante ne’e sira perpara diak maibe sira mos sei falla iha fiziku nune’e iha jogu rua tuir mai sei hadia diak liu tan hodi bele hakat ba faze eliminasaun.
JHD
