DILI– Responsavel ba Despotu hosi Ensinu Sekundariu São Pedro, Cristovao Ximenes Dos Santos, hakarak hetan rezultadu pozitivu hosi Torneo Taça Esperança 2023.
Eskola Ensinu Sekundariu Sao Pedro sei frekuenta Eskola Ensinu Sekundariu 12 de Novembro Becora iha jogu kontinuasaun faze apuramentu pool (B).
Duelo entre ekipa rua ne’e sei hala’o iha kampu Federasaun Futebol Timor-Leste (FFTL), sexta (01/08). Liu hosi konferensia imprensa responsavel Despotu hosi Eskola Sao Pedro Cristovao Ximenes Dos Santos haktuir sira la iha perparasaun ne’ebe mak maximu maibe atu frekuenta eskola 12 de Novembro Sira perparadu ona.
“Ba ami nia perparasaun ladun maximu tanba ami iha problema oituan konaba ami nia kampu treinu maibe konaba jogu hasoru 12 de Novembro maximu ona tanba ami ho Eskola 12 de Novembro hasoru malu ona agora hasoru malu tan iha faze grupu iha Taça Esperança entaun ami estuda ona 12 de Novembro nia jogu” informa responsavel Despotu hosi Eskola Sao Pedro Cristovao Ximenes Dos Santos ba JHD iha stadion Munisipal Dili, kinta, (31/08).
“Eskola hotu mai hakarak manan ne’ebe depois jogu termina mak ita haree rezultadu, objetivu ami nia hakarak hetan rezultadu ne’ebe pozitivu” dehan Cristovao.
hosi sorin seluk Treinador Eskola Ensinu Sekundariu Geral (ESG) 12 de Novembro Becora Jacinto da Silva Gaspar hatete, sira perparadu ona no iha ambisaun tenke manan iha jogu aban.
“ami nia perparasaun kuaze besik ona fulan ida resin ami nia jogador sira iha kondisaun diak prontu atu kompete ba aban” nia informa
“Esperansa tenke manan, tanba hadau malu ba juara pool ne’e tenke manan ami hasoru malu dala rua ona sira manan dala ida ami manan dala ida” Nia haktuir.
“Ba ha’u manan aban ami tenke manan score ami sura ba mai tuir forsa tuir aban ami manan 2-1” dehan Treinador ne’e ho fiar aan.
JHD
