DILI– Treinador Eskola Esnsinu Sekundariu privadu Cristal, Tome De Deus, iha “ambisaun” atu lori nia ekipa Cristal to’o iha final Taça Esperança 2023, no eskola Paulos VI hahu pesimis atu hasoru Cristal.
Maske Taça Esperança 2023, sei iha faze apuramentu maibe eskola Ensinu Sekundariu privadu Cristal hahu ho ambisaun boot hakarak to’o final.
Cristal rasik iha faze apuramentu iha pool (D) hamutuk ho eskola tolu seluk hanesan Paulos VI, An-Nur, Herois da Patria, no Cristal.
Iha jogu dahuluk Cristal sei kontra uluk eskola Paulos VI, atu hasoru Paulos VI ne’e treinador Cristal Tome De Deus, informa, eskola Sekundariu privadu Cristal, eskoila ona sira nia estudante ne’ebe mak iha talentu ba futebol no durante ne’e sira observa bebeik barak iha Dili laran tanba ne’e ami halo selsaun ba estudante ne’ebe merese duni atu tuir jogu sira ne’e no durante semana ida nia laran.
“Cristal iha mehi kada tinan ami sempre iha esperansa Boot atu konkista eskola ne’ebe deit, priemeiru ami nia perparasaun ami haree hosi jogador sira ne’ebe durante nia eskola iha ne’eba nia partisipa iha jogu seluk ruma ami observa bebeik tanba ne’e ami iha esperansa boot katak iha dia 3 ami sei kontra Colegio Paulos VI ne’ebe ami espera katak ema nia jogador mos bemperparadu, tanba ne’e ami mos hakas aan hakarak ka lakohi iha esperensa boot katak dia 3 ami tenke konkista” Tome informa ba jornalista iha Estadion Munisipal Dili Sexta (01/09).
Atu jogu hasoru Paulos VI ne’e treinador ne’e hatete, sira atu manan ho score hira iha jogu dahuluk ne’e niae labele fo prediksaun maibe nia garante nia jogador sira sei rekoila vitoria.
“Ba manan score hira ami seidauk determina maibe ami fiar aan katak Cristal sempre hetan vitoria iha Taça ida ne’e ou ami ba eskola Dili laran ne’ebe partisipa eskola 16 ami Esperansa boot katak ami bele hakat ba faze final” dehan nia
Iha Fatin hanesan treinador hosi eskola Colegio Paulos VI Octavio da Costa Soares, hatete, sira pesimis tanba sira nia jogador mesak foin sae no la iha esperensia joga iha kampu boot
“Ami joga iha domingu hasoru Cristal jogador sira idade foin sae ne’e sira hakarak atu manan maibe fila fali ba mos treinu diak ne’ebe ami pesimis atu rekoila pontus tolu” Octavio da Costa Soares
Nia dehan, perparasaun seidauk masimu lolos foin mak loron rua loron tolu deit maibe sira sei esforsu oinsa para mantein jogu ne’ebe mais ou menus diak oituan iha jogu priemeiru.
“Hau hanoin labarik sira mesak foin sae labarik sira balu foin tama kampu boot ne’ebe liga mos ba mentalidade jogador sira hotu fila fali ba jogador sira karik 90 minutus nia laran posibilidade iha sorte manan, se lakon Ita bele hadia fali” dehan Treinador ne’e
Entertantu jogu entre Cristal kontra Colegio Paulos VI ne’e sei hala’o iha kampu Federasaun Futebol Timor-Leste (FFTL) formoza Dili Domingu (03/09).
JHD
