DILI– Eskola Cafe Díli susesu halo festa golu ba rede Sagrada Corasao De Jejus (Sacrojes) ho score 6-2, iha jogu ikus Taça Esperança faze apuramentu pool (A), maske manan ho rezultadu boot maibe la konsege lori sira hakat ba faze eliminasaun Quatros finais.
Hala’o jogu iha kampu Federasaun Futebol Timor-Leste (FFTL) formoza Dili Quarta (13/09).
Maske ekipa rua ne’e hala’o jogu la iha esperansa atu hakat ba faze eliminasaun maibe la hamate espiritu kompetetivu hodi hatudu jogu feer Play hodi anima adeptus sira hosi eskola rua ne’ebe mak asistente jogu refere.
Maibe ekipa Café Taibesse ne’ebe mak hatudu ritmu jogu ho diak konsege domina liu bola hodi lansa suta fila fila ba rede Sacrojes no rezultadu tama ba iha minutu 16 Vabio Pires susesu fura rede Sacrojes hodi lori nia ekipa Café Taibesse lidera ho score 1-0.
No tama ba iha minutu 33 Vabio Pires hamorin hikas nia naran hodi hasae score ba 2-0 hodi taka jogu priemeira parte.
Kontinua ba jogu segunda parte intensidade jogu komesa manas liu tan no tama ba iha minutu 44 Demacio Custdio susesu fura tan rede Sacrojes hodi muda aumenta score ba 3-0.
Demacio Custdio hamorin hikas nia naran iha minutu 50 hodi haboot score sa’i 4-0.
Ho score refere jogu sa’i manas liu tan maibe ekipa Sacrojes ne’ebe mak sofre uluk ona golu haat tenta hodi responde no esforsu ne’e konsge fo rezultadu pozitivu tanba tama ba iha minutu 51 no 52 Lovelio Pinto susesu marka golu rua tuir malu hodi muda score sa’i 4-2.
No tama ba iha minutu 59 Vabio Pires susesu fura tan rede Sacrojes ba dala tolu nian hodi muda aumenta score ba 5-2.
Festa golu hosi Café Taibesse taka hosi jogador Esperanger Luan iha minutu 80+2 hodi taka jogu ho score 6-2.
Hosi rezultadu vitoria ne’e la konsge lori sira ba faze eliminasaun maibe obriga ekipa rua ne’e hotu elimina iha Taça Esperança 2023.
JHD
