DILI–Treinador Santa Cruz Fc, Messias Alves, fiar nia jogador sira, sei manan adversariu Coelho Fc iha jogu Final Liga Futsal Timor Leste segunda divizaun epoka 2023.
Jogu final ne’e rasik sei akontese iha Kinta (14/09), ekipa rua ne’e mos iha ona diretu absoluta hodi hakat ba premeira divizaun iha epoka oin mai.
Maibe iha jogu final ne’e Santa Cruz Fc ambisaun liu hakarak sa’i kampeaun ba iha kompetisaun refere.
Ho fiar aan hosi Treinador Messias Alves ne’e laos sein razaun, maibe tanba sira iha razaun ne’ebe mak klaru katak sira halo perparasaun ho tempu ne’ebe mak naruk molok to’o iha fianl.
Atu hala’o jogu final iha loron aban 14 fulan setembru 2022, ekipa Santa Cruz Fc, komesa perpara ona sira nia treinu hahu iha sabadu ate agora aleinde ne’e sira mos komesa aprende ona Coelho nia jogu hirak ne’e no sira halo ona perparasaun atu esploita Coelho.
“ami fiar aan katak hosi estudu jogu no mos treinu ida ami implementa ba jogador sira ha’u fiar katak aban ami bele vitoria kontra Fc Coelho, maibe ami mos la haree Coelho ho matan sorin, ami fiar sira mos adversariu diak ida ne’ebe bele tama ba final mais ha’u fiar katak ha’u nia jogadores aban bele halo jogu para ami bele hetan vitoria” dehan Messias Alves ba JHD via whatsapp Quarta (13/09).
Treinador ne’e afirma dadaun ne’e sira nia jogador sira kuaze iha kondisaun ne’ebe mak feet para atu kompete iha jogu aban.
Treinador ne’e mos fo prediksaun katak iha jogu final ne’e Sira sei manan ho score 2-0 ou 2-1.
Entertantu ekipa JHD tenta ona atu halo entervista ho dirijente klubu Fc Coelho maibe sei okupadu ho servisu esensial balu.
JHD
