Dili — Jogu kontinuasaun Taca Esperanca 2023 faze apuramentu grupu (B) Ensinu Sekundariu Geral (ESG) 12 de Novembru Becora susesu manan nia adversariu Ensinu Tekniku Vokasional Eskola Ekonomia e Comercio Becora ho score fantastiku 10-0.
Jogu entre ekipa rua nee halao iha kampu Federasaun Futebol Timor Leste (FFTL) formoza Dili Kinta (14/09).
ESG 12 de novembru neebe mak ho ambisaun boot hakarak sa’i kampeaun grupu halao jogu ho agresivu tebes desde jogu primera parte ho nunee iha primeira parte 12 de Novembru konsge didera ho score 3-0.
Golu tolu iha primeira parte nee marka hotu hosi jogador Marfinos Da Costa iha minutu 3, 5 no 30.
Kontinua ba segunda parte 12 de novembru kontinua bombardia ekipa EEC Becora no konsge marka tan golu 7 iha segunda parte.
Golu hiru nee marka hosi jogador Marfinos Da Costa 61, 62, 66, 69, No golu tolu seluk marka hosi jogador Fernando Freitas minutu 53, Florencio Perreira, minutu 56 no Gaspar Soare iha minutu 64.
Hosi rezultadu Vitoria 10-0 nee lori ekipa 12 de Novembru hakat ba faze eliminasaun nudar kampeaun grupu (B) ho Pontus 7 hanesan ho Sao Pedro maibe liu malu ho produtividade golu.
JHD
