DILI– Ensinu Sekundariu Geral Nicolau Lobato sei frekuenta São Pedro iha faze knock out quartos fianais Taça Esperança, iha kampu Federasaun Futebol Timor-Leste (FFTL) Formoza Dili kuarta 20 setembru 2023.
Nikolau Lobato ne’ebe mak hakat ba faze eliminasaun quartus fianais nuudar kampeaun grupu (A) ho total pontus 7 hosi jogu dala tolu manan rua no empata ida, halo sira kompete iha faze knock out ne’e ho fiar aan.
Liu hosi konferensia imprensa, Treinador Eskola Nikolau Lobato, Atanasio Pinto, hatete, ekipa Nikolau Lobato hato’o obrigado no agardese sira bele tama to’o iha quartos finais.
“Konba ami nia perparasaun ami iha, laos dehan maximu maibe sufsiente bele responde ba aban ninian oinsa hasoru Sao Pedro ha’u fiar katak ha’u nia ekipa sei bele hatudu jogus wainhira iha kampo ne’ebe atu lakon ka manan teknikamente fila fali ba jogador ida-idak sira mak foti desizaun iha kampu laran ne’ebe ha’u fiar katak ami nia perparasaun sufisiente bele responde ba jogu aban ninian ami sei manan” dehan Atanasio Pinto ba JHD iha stadion Munisipal Dili Tersa (19/09).
Treinador ne’e mos fo prediksaun katak nia ekipa sei manan “ami garantia katak aban ami sei manan eskola Sao Pedro ho score 3-0” Nia hakotu.
Hosi sorin seluk ekipa Sao Pedro ne’ebe mak hakat ba faze knock out nuudar runner-up lakohi lakon no sira mos optimista atu bele hakat ba meias finais.
São Pedro rasik hakat ba eliminasaun ne’e nuudar runner-up iha pool (B) hafoin koileta pontus 6 hosi jogu tolu manan rua no deorta dala ida.
Cristovao Ximenes dos Santos nuudar treinador ekipa Sao Pedro, informa, sira nia perparasaun masimu ona no atu hasoru Nikola sira fiar aan.
“Diak ba ami nia perparasaun masimu ona no ba jogu aban nian ami optimista katak sei hakat ba iha meias finais. Ami garantia atu manan hodi hakat ba meias finais” dehan Cristovao Ximenes dos Santos ho fiar aan.
Treinador ne’e mos fo nia prediksaun katak nia ekipa sei manan ho score 2-0 iha jogu refere.
JHD
