Dili – Inisiu hosi jogu faze knock out quartos finais ne’ebe ekipa hosi Eskola São Pedro kontra ensinu sekundaria geral Nicolau Lobato, ho rezultadu ne’ebe hatudu São Pedro tenke termina iha faze ida ne’e, loron Quarta-feira (20/9/2023) iha kampu Demokrasia. Ekipa Nicolau ganha ho rezultadu 3:2.
Iha parte primeiru hosi jogu Nicolao Lobatu loke ho golu primeiru ne’ebe hosi jogador Savio Pires iha minutu 8, no nafatin iha parte primeiru São Pedro halo balansu iha jogu ho skor 1-1 hosi nia jogador Totifanio Amaral iha minitu 35 liu hosi Penalto.
Ho Jogu ne’ebe domina hosi São Pedro iha Parte primeiru halo ekipa ne’e kontinua halo golu iha minutu 40 hosi jogador Leonardo dos Santos. Ho ida ne’e parte primeiru remata.
Tama iha parte segundu jogu lao ho esforsu tomak hosi ekipa nain rua maibe Nicolao Lobatu liu hosi nia serbisu makas ne’ebe iha minitu 66 jogador Savio Pires kontinua halo golu ba segunda vez nian hodi halo balansu iha jogu ne’ebe ho skor 2-2 ate faze segundu remata.
Jogu kontinua ba faze extra time nian hodi determina se los mak sei hakat ba meia finais. Iha jodu nia laran ho kontra ataka ne’ebe ekipa hosi Nicolau Lobatu rezulta penalto iha minitu 80+6 no jogador Albino Pereira foti responsabilidade hodi sai hanesan ezekutor, nune’e hatudu duni rezultadu ida ne’ebe fo valor ba ekipa Nicolau hodi hakat ba meiu finais.
Hafoin jogu remata iha intrevista ho treinador eskola Nicolau Lobatu, Atanasio Pinto, hateten iha jodu ida ne’e ekipa hosi Nicolau Lobato esforsu makas hodi bele hetan rezultadu ne’ebe iha. No iha jogu tuir mai ekipa sei prepara an diak liu tan hodi bele hakat ba faze finais.
Iha fatin hanesan treinador hosi eskola São Pedro Cristovão Ximenes hateten, ekipa São Pedro ohin hatudu jodu diak tebes ne’ebe hatudu liu hosi domina bola, maibe tamba lakon ho mentalidade ekipa tenke derota iha jogu ida ne’e.
JHD
