DILI — Ensinu Sekundariu Colegio Paulos VI, sei frekuenta Ensinu Sekundariu Geral (ESG) 4 de Setembru, iha jogu kontinuasaun Taxa Esperansa faze knock out Quartus finais.
Jogu entre ekipa rua ne’e sei hala’o iha kampu Federasaun Futebol Timor-Leste FFTL formoza Dili Kinta (21/09). Maibe Colegio Paulos VI ne’ebe mak treina hosi Octavio da Costa hahu pesimista atu kontra adversariu 4 de Setembru.
Responsavel ba ekipa Paulos VI ne’e hahu pesimista laos sein razaun, maibe tanba ekipa 4 de Setembru iha jogador balu joga iha Klubu no jogador balu selesaun nasional kompara ho nia ekipa ne’ebe mak iha deit jogador ida mak joga iha klubu.
“Hanesan responsavel ba kolegio Paulos VI ami minimu sira perpara maibe perpara hanesan atletizmu ida maibe atu kompete iha jogu ne’e mihis liu oinsa atu bele manan eskola seluk. Liu-liu 4 de Setembru” dehan responsavel ekipa Paulos VI Octavio da Costa liu hosi konferensia imprensa iha Estadion Munisipal Dili Tersa (19/09).
“4 de Setembru nia jogador iha Klubu mos iha selesaun mos iha ne’ebe kompara ho Paulos VI sira menus los selsaun mos laiha iha ida deit mak joga iha klubu” tenik nia.
“Hau hanoin garantia ba manan, ba ha’u hanesan responsavel mihis loos tanba ita haree ba jogador, se karik sira treinu masimu ha’u hanoin katak garantia maibe iha 90 minutus nia laran mak ita haree tok ida ne’ebe mak manan” Nia hakotu.
Hosi sorin seluk Responsavel ekipa 4 de Setembru, Dorteus Manggut, deklara, sira perparadu no prontu atu kompete ho Paulos VI no sira mos iha ambisaun boot hakarak tama ba meias finais.
“Ami hosi ekipa 4 de Setembru ami prontu no perparadu atu kompete ho Paulos VI iha kuatru finais, ami iha esperansa boot katak, ami bele to’o iha semi finalis” dehan Dorteus Manggut.
Responsavel ekipa 4 de Setembru ne’e mos garante katak nia ekipa sei manan adversariu ho score mihis 1-0 iha jogu refere.
JHD
