Dili– jogu kontinuasaun Taxa Esperansa 2023, faze apuramentu pool (B), Ensinu Sekundariu Externatu Sao Jose derota kontra nia adversariu Sao Pedro Comoro ho score 4-0.
Duelo entre eskola rua ne’e hasoru iha kampu Federasaun Futebol Timor Leste FFTL formoza Dili, Kinta, (14/09).
Iha inisiu jogu ekipa rua hotu hotu tun ho ambisaun boot hodi buka oportunidade atu produs golu liu hosi kontra atake ba malu tanba ekipa rua iha hotu ambisaun hodi hadau hadau bileti ba quartus finais.
Maibe ekipa Sao Pedro neebe mak hatudu liu ritmu jogu ho diak konsege domina liu bola ho nunee tama ba iha minutu 12 asaun Leandro dos Santos susesu halo rede Externato Sao Jose nakdoko hodi muda kedas score sa’i 1-0.
Ho golu nee halo tensi jogu komesa makas liu tan ba ekipa nee hodi lansa kontra atake ba malu maibe too termina jogu priemeira parte score 1-0 mantein la muda.
Kontinua ba jogu segunda parte jogu sa’i manas liu tan ba ekipa rua n hodi lansa kontra atake ba malu no jogu foin halao deit minutu 4 asaun Leandro dos Santos, halo rede externato Sao Jose nakles tan ba dala rua hodi muda aumenta score ba 2-0.
Ho golu sedu nee hahu hamonu mentalidade ekipa externato Sao Jose nunee Sao Pedro kontinua domina bola hodi aproveita fura tan rede Externato Sao Jose iha minutu 48 liu hosi jogador Totifanio Amaral hodi haboot tan score ba 3-0.
No tama ba iha minutu 61 asaun Jose Ximenes susesu fura rede externato hodi taka Vitoria ba Sao Pedro ho score 4-0.
Ho rezultadu nee obriga ekipa Externato Sao Jose elimina hosi Taxa Esperanca 2023 no ekipa sao Pedro konsege hakat ba faze eliminasaun nuudar Runner-up grupu (B).
JHD
