DÍLI– Komisaun Organizadora ba Taça Esperança agardese ba Esnsinu Sekundariu Geral no privadu hamatuk 16 ne’ebe mak harame ona Taça Esperança 2023.
Liafuan agradesementu ne’e hato’o hosi Kordenador komisaun organizadora Taça Esperança Domingos Caeiro ba JHD iha Stadion Munisipal Dili Domingu (24/09).
Ekipa 16 ne’ebe partisipa iha Taça Esperança 2023 ne’e mak hanesan, Eskola ESG 12 de Novembro, Sagrada Corasao De Jejus, Herois Da Patria, An-Nur, Sao Miguel, Cristal 4 de setembru santa madalena de Canosa, Paulus VI, Nikolau Lobato, Café Taibesse, São Pedro, 5 de Maio, São José Operario no seluk tan.
Hosi ekipa 16 ne’e ekipa 4 mak tama ona ba Faze semi final mak hanesan, Paulos VI, 12 de Novembro, Nikolau Lobato, no Cristal.
Iha faze eliminasaun kuartus finais ekipa 8 ne’ebe mak kompete ofisialmente termina ona no Eskola 4 elimina ona no Eskola 4 mak sei kompete iha meias finais.
Ekipa haat ne’ebe mak elimina hosi Taça Esperansa iha faze eliminasaun kuartus finais ne’e mak Eskola São Pedro ne’ebe mak derota ho ESG Nikolau Lobato ho score mihis 3-2, 4 de Setembru UNAMET ne’ebe derota ho adversariu Paulos VI liu hosi drama suta penaltu ho score 6-5, Canossa ne’ebe derota ho 12 de Novembro no ikus liu Colegio São Miguel Arcanjo (CSMA) ne’ebe mak deorta ho Cristal ho score 4-1.
Hosi ekipa haat ne’ebe mak hakat ba meias finais Taça Esperansa ekipa Cristal mak ekipa ikus ne’ebe mak hakat ba faze meias finais no sa’i hanesan ekipa uniku ne’ebe mak seidauk empata no derota desde faze apuramentu.
Eskola 4 ne’ebe mak hakat ba semifinal tuir kalendariu sei realiza iha estadio Dili hahu iha loron 26 no 27 Setembro.
Tuir drawin ne’ebe mak iha Escola Nicolau Lobato sei frekuenta Ensinu Sekundariu Paulos VI. No ESG 12 Novembro sei frekuenta Cristal
“Liu husi biban ne’e mos komisaun organizador Taça Esperansa hakarak hato’o parabens ba ekipa 4 ne’ebe hakat ona ba semifinal no ami nia agradese wain ba ekipa 4 seluk ne’ebe la konsega hakat ba semifinal maibe imi hatudu ona jogu ne’ebe diak tebes no anima mos adeptus sira” dehan Domingos Caeiro.
“Ami nia agradese wain mos ekipa 10 ne’ebe elimina iha fase grupo, apresia tebes imi nia partisipasaun maximu iha kompetisaun ne. Espera ita sei hasoru malu iha momentu ne’ebe hanesan iha tinan oin” dehan Nia.
Komisaun organizador mos apresia ho komportamentu ekipa sira hotu perante fase apuramentu grupo no kuarto final.
“Ami mos agradese ba inan aman husi estudantes sira nebe sempre asiste no akompanha oan sira durante jogu. Apresiasaun boot ba ekipa seguransa ne’ebe sempre firmi hodi asegura seguransa durante ne’e” Nia hakotu.
JHD
