DILI– Relasiona ho kongressu extraoridinariu Federasaun Futebol Timor-Leste (FFTL) ne’ebe mai hosi ezizensia hosi asosiasaun futebol no asosiasaun profesionais sira hahu iha ona naroman, tanba kongresu extraoridinariu FFTL ba da-9 sei akontese iha loron 10 fulan novembru tinan ne’e.
“Hau lakohi espekula tanba karta kongressu extraoridinariu ne’e mai hosi FIFA mak haruka i depois federasaun mak fo sai se prezidente atual dehan la akontese ha’u labele espekula tanba parese iha ona Komunikasaun entre Federasaun Futebol Timor-Leste ho AFC no FIFA mais normalmente kuandu karta ne’e sa’i ona marka ona dia 10 De Novembro tenke akontese parese ninia konteudu mak diferente karik ha’u lahatne mais marka ona data fiksu ba Kongresu Extraoridinariu ne’e tenke akontese ne’e mak ami hatene” dehan prezidente asosiasaun Dili Weste Hipolito Soares ba jornalista sira iha Sede ADR Uniaun Kaikoli Dili, Domingu (22/10).
Prezidente Dili Weste explika, Tanba momentu ne’eba Karta ne’e hosi FIFA portantu maske tuir estatutu 90 dias ne’e liu ona mais sira konsge responde tanba asosiasaun mos nafatin akompainha ba federasaun i Federasaun konsege komunika ho FIFA i laos sira la komunika 90 dias ne’e mais tanba FIFA mak responde sira mai dehan rekomenda ba dehan 10 De Novembro agora.
“Portantu hosi Federasaun mos hasai katak kongresu extraoridinariu konvite ne’e mai hosi duni prezidente federasaun ami simu hotu i ami prontu perpara aan ba dia 10 De Novembro” dehan Hipolito.
“Dia 10 De Novembro fiksu i ha’u hanoin resposta mos hosi FIFA no AFC katak sira sei partisipa” Nia informa.
Antes ne’e asosiasaun futebol sira hamosu figura rua ne’ebe mak dadaun ne’e sa’i ona diskusaun iha asosiasaun sira nia leet, atu hili figura rua ne’e mak Nilton Gusmao Santos pioneiru ba liga Futeból Timor-Leste hahu kedas hosi LFA to’o mai LFTL, no mos Francisco Kalbuadi Lay eis prezidente FFTL maibe prezidente Dili weste, hatete sira hosi asosiasaun seidauk iha Komunikasaun
“Parese ita bele koalia figura mak ne’e duni karik sei haree mais ami tanba iha ninia regras iha tradisaun FIFA nian entaun kaundu extraoridinariu ne’e akontese sira tuir regras sei fo tan fulan rua para atu halo eleisaun ne’ebe neste momentu ha’u la iha ideas se mak atu kandidata mais se mak atu Kompete ha’u hanoin ami asosiasaun seidauk iha Komunikasaun” dehan nia ho hamnsa.
“Laos dehan seidauk fo konfiansa ba se mais neste momentu ami seidauk deskuti tanba normalmente etikamente bainhira extraoridinariu ne’e akontese uluk depois sira sei fo karta taka sa’i hosi Federasaun katak tanba regras ne’eba ita tenke hein 70 dias para ba eleisaun foun” nia hakotu.
Rekorda fali katak antes ne’e, Liu hosi komgresu oridinariu Federasaun Futebol Timor Leste (FFTL) ba dala-VIII ne’ebe mak realiza iha Otel Novu Turizmu, sabadu, (01/07/2023). Asosiasaun Futebol hamutuk 16 lakon ona konfiansa ba estrutura atual FFTL neebe mak lideradu hosi Francisco Jeronimo nunee deside atu halo kongresu extraoridinariu tanba la iha ona konfiansa ba Prezidente FFTL ne’ebe mak la kumpri nia promesa iha kongresu extraoridinariu ba dala hitu ne’ebe mak hala’o iha fulan Fevreiru 2022.
JHD
