Dili– Prezidente Komisaun Organizadora ba Torneo Futsal Asam Urat 30+, Antoninho Junior Guterres Ximenes, informa Torneo Futsal Asam Urat 30+ atu hadook aan hosi moras oioin no hametin lasu amizade.
Iha abertura, Antoninho haktuir, torneo Asam urat ida ne’e, mai hosi inisiativa maluk nain rua nain tolu, sira tuur iha Kafe letefoho sira hasai naran asam urat ne’e depois de sira hato’o ideias ne’e mai hetan resposta pozitivu tebes hosi ema hotu iha fatin ida ne’e laos hosi komisaun deit maibe ema hotu iha fatin ida ne’e Tan ne’e Torneo ne’e bele hahu.
“Asam urat la signifika dehan ema hotu Asam urat se karik Ema hotu tenke Asam urat ita ba hotu tuir teste lai mak mai rejistu, maibe lae ema ne’ebe Asam urat bele mai joga i ita joga para atu hadook ita hosi Asam urat maibe laos Asam urat deit maibe moras hotu hotu tanba ne’e agora ne’e oportunu diak ida ita mai hasoru malu iha fatin ida ne’e” dehan Antoninho Junior Guterres Ximenes liu hosi nia diskursu hodi abertura torneo futsal Asam Urat iha kampu multifunsaun bebora Dili Sexta (27/10).
“Objetivu hosi jogu ne’e mak iha rua ida mak ita nia saude, ida mak ida mak amizade maibe ha’u hanoin amizade ita sira ne’e koinese malu hotu ne’ebe ha’u lakohi koalia amizade maibe ida ne’e oportunidade diak ita mai halo reuni ita uza oportunidade ida ne’e ita mai hasoru malu koalia ba malu hamnsa kontente” nia informa
“Tanba ne’e ita joga ho diak joga esportivitas aas labale hanoin aat ba malu labele destroy ba malu atu nune’e bele husik hela mensagen diak hosi jogu ida ne’e atu nune’e komisaun bele halo fila fali tan iha tempu tuir mai” Nia afirma.
“Planu ami nian torneo ida ne’e ba oin ita sei halo taxa rotativa masimu fulan tolu ou fulan rua dala ida ba idade 30 ba leten” nia hatete.
Prezidente Komisaun Organizadora ne’e mos agardese ba ba Xefe suku, Xefe aldeia no Joventude bebora tanba fo ona autorizasaun aprova sira nia pedidu hodi utiliza kampu bebora hodi realiza eventu.
Iha fatin hanesan Xefe Suku Motael, Luis Antonio Candido G. Vegas hatete, Suku motael agradese ba torneo Asam urat ne’e tanba eventu refere mai hosi eis jogador no jogador legendariu sira maibe bele fo fiar ba suku motael hodi joga iha suku motael.
“hau hakfodak simu karta ne’e dehan katak Torneo Asam urat, depois de ha’u lee liafuan mesak murak deit tanba iha ne’eba ha’u sei foti liafuan ida deit hatete katak jogu ida ne’e hanesan jogu amizade i parte seluk mos hatudu ba ita nia foin sae sira”
“Ha’u hakarak ita boot sira hatudu ba alin sira maske ita idade ona maibe desportu ne’e mak halo ita unudade nafatin ha’u mos agradese ba Prezidente Komisaun ne’ebe ho hanoin diak nia hatete katak karik eventu ne’e lao ho susesu ba futuru kontinua realiza kada fulan rua ou tolu muda fali taxa ida ne’e ba taxa rotativa Asam urat” Xefe suku motael apresia.
“Ne’ebe ha’u husu ba jogador sira hotu hatudu imi nia jogu diak hatudu imi nia amizade hatudu imi nia domin para ita nia familia ita nia joven sira tenke banati tuir ita boot sira” dehan Xefe Suku Motael hodi fo mensagen.
Entartantu Torneo futsal Asam urat ne’e partispa hosi klubu hosi 12 ho jogador sira mai ho idade 30 ba leten.
Enkuantu abertura torneo futsal Asam urat ne’e Legend Mauputar kontra Legend Mushila FC no rezultadu ekipa Legend Mauputar manan Legend Mushila Fc ho score 5-3.
JHD
