Dili– Mauputar Legend, susesu hadau pontus tolu (3) hosi rivalidade Mushila Legend hafoin manan ho score fantastiku 5-3 iha jogu abertura Torneo Futsal Asam Urat 30+.
Duelo entre ekipa rua ne’e hala’o iha kampu multifunsaun bebora Dili Sexta (27/10). Iha inisiu jogu ekipa rua ne’e hala’o jogu agresivu hodi buka oportunidade atu produs golu Mushila Legend ne’ebe mak haforsa hosi jogador Legendariu Ary no Miro Balado Bento domina liu bola no konsge lansa suta fila fila ba rede Mauputar Legend maibe esforsu ne’ebe mak Mushila Legend halo seidauk bele rezulta golu.
Mauputar Legend ne’ebe mak kontinua hetan presaun makas halo kedas subtituisaun hodi halo mudansa tatika no konsge responden kaunter atake hosi Mushila Legend no rezultadu tama ba iha minutu Fernando Batista konsge fura rede Mushila Legend hodi hatuur score ba 1-0.
Liu deit minutu rua Fernando marka tan golu ida hodi Hasae score ba 2-0, ho golu refere halo tensi jogu komesa manas liu tan ba ekipa rua hodi lansa kontra atake ba malu.
Mushila Legend konsge responde golu rua tuir malu hodi halo balansu ba score sa’i 2-2 liu hosi asaun jogador Lemos.
Mushila Legend lidera hafoin Gio susesu fura rede Mushila Legend ho sutu dook hodi hatuur score ba 3-2.
Ho golu refere tensi jogu komesa manas liu tan ba ekipa rua maibe Mushila Legend kontinua produs tan golu ida liu hosi asaun Dji hodi hasae score ba 4-2.
Sofre ona ho score 4-2 obriga ekipa Mushila Legend hala’o jogu ho Power Play hodi halo jogu 5 maibe Mauputar kontinua aproveita hodi lansa Tan golu ida hodi haboot score sa’i 5-2.
Mushila Legend foin responde tan golu ida hodi hatuur score sa’i 5-3 iha minutu 38 liu hosi Atofi hodi taka jogu segunda parte vitoria ba Mauputar Legend.
JHD
