Dili– Atleta Teofilo Freitas hosi modalidade Para-Atletizmu sa’i mellor atleta iha klase T-38, hafoin susesu konkista medalla osan mutin mai Timor Leste iha eventu Asian Para Games iha Hangzhou China.
Atleta Teofilo Freitas ne’ebe mak baibain kompete iha klase T-38 iha eventu Asian Para Games Hangzhou China ne’e kompete ho klase T-37, ho korida metro 1500. Maske laos kompete iha ninia klase maibe atleta Timoroan ne’e susesu konkista medalla osan mutin mai Timor Leste no sa’i nuudar mellor atleta iha klase T-38 marka mos rekord foun iha Asian.
Record foun ne’ebe mak atleta orijen hosi munispiu Baucau ne’e marka mak korida ho metro 1500 ho tempu 4.21.75s rekord refere fura (Pecahkan record) record atleta nain rua mak atleta Yang Fugui, hosi nasaun China, ne’ebe mak antes ne’e ho tempu 4.54.89s, iha eventu Asian Paragames Guangzhou China iha tinan 2010, no atleta Damchoom Surasak hosi nasaun Thailand ho tempo 4.50.59s, iha Eventu Asian Paragames Indonesia iha tinan 2018.
Iha intervista Teofilo Freitas hatete, nia kompete iha klase ne’ebe diferente maibe agardese tanba bele sa’i segundu lugar hodi oferese medalla osan mutin mai Timor Leste
“Maske nia sai segundu lugar maibe Ita Mak sa’i mellor nafatin iha eventu ida ne’e ho valor diak liu duke medalla osan mean, valor makas liu rekord ita labele haree ba medalla, maibe ita persija komprende konba rekord ne’ebe mak iha” dehan Teofilo Freitas ba jornalista sira iha resintu Ministeru Joventude Despotu Arte no Kultura (MJDAK) lecidere Dili segunda (30/10).
“Dadauk ne’e ita haree ba medalla osan metan la hanesan ho eventu sira ne’ebe liu ona maibe persija ema hotu hatene katak ami kompete hamutuk iha klase ne’ebe la hanesan. Ha’u nia klase T-38, ha’u kompete ho klase T-37 ami klase ne’ebe la hanesan maske segundu lugar maibe ha’u mak reprezenta Timor mak kaer rekord ba 1500 Metro ne’ebe mak iha, maske segundu lugar maibe ita mak kaer rekord ba klase T-38” dehan nia.
Teofilo Afirma, ho rezultadu ne’ebe mak iha nia sei esforsu makas liu tan atu nune’e iha eventu sira tuir mai karik federasaun fo konfiansa mak nia sei hadia diak liu tan.
Entertantu eventu Asian Para Games Hangzhou China ne’e partispa hosi nasaun hamutuk 45 iha Asian.
JHD
