DILI– Memebru Organizasaun Arte Masiais Persaudaraan Setia Hati Terate hamutuk nain 50 partisipa formasaun arbitrazen no juiz hodi kontrola ranting sira iha territóriu laran tomak.
Formasaun ba membru PSHT ne’ebe ho tema “Promove Prifesionalizmu desportu no mós dezenvolve talentu desportu prestasaun” ne’e realiza iha Otel Ramelau aimutin Dili Sabadu (21/10/2023).
Iha intervista Vise Prezidente PSHT Fabião de Oliveira informa, tipu formasaun ba arbitrazen no juiz importante halo kompetisaun tenke iha arbitrazen no juiz atu organiza, entaun prepara antes realiza kompetisaun.
Fabião afirma, formasaun ne’e ho objetivu atu aumenta kapasidade ba arbitrazen no juiz, materia ne’e importante tebes liuliu tékniku atleta nian nune’e sai atleta ne’ebé profesionál.
“Formasaun ne’e atu kompleta ami nia planu annual tinan 2023, tanba planu 2023 ida liu ona mak graduasaun, ida seluk mak halo formasaun ba arbitrazen ho juiz sira ikus sei halo kompetisaun,” Vise Prezidente PSHT, Fabião de Oliveira, ba Jornalista iha Ótel Ramelau Aimutin, Sabadu (21/10/2023).
Nia afirma, formasaun ne’e sei hala’o durante loron tolu no Despois remata formasaun partisipantes sira sei kontinua fó formasaun ba ranting sira iha nivel munisipál.
Eis deputadu ne’e afirma tan katak, total partisipante hamutuk na’in-50, ne’e fahe ba parte rua arbitrazen na’in-25 no juiz hamutuk 25 pesoás.
Ho formasaun ne’e, Vise Prezidente, husu ba partisipante sira aproveita didi’ak durante loron tolu hahú 21 to’o 23 intende didi’ak saida simu hosi formadór sira nune’e impleta iha fututu.
Iha fatin hanesan patisipante, Domingos da Conceição, hatete, agradese ba formadór hosi Internasionál bele formasaun durante loron tolu ho materia ne’ebé sira fó simu ho vontade di’ak bele implete iha munisípiu sira.
“Ami tuir formasaun loron tolu hahú agora to’o Segunda-feira, ami sei simu materia hirak ne’e ho di’ak para hatudu ba membru sira iha nasionál no munisipál,” Domingos da Conceição garantia.
Nia dehan, formasaun loron tolu ne’e sufisiente no prontu esplora tan materia arbitrazen no juiz ba membru PSHT sira, atu nune’e dezenvolve sira nia talentu.
JHD
